नेवाः ख्यःपाखें हिरण्यलालया स्वास्थ्य अवस्था बारे जानकारी

येँ(नेपालभाषा टाइम्स)- नेवाः ख्यःया न्ह्यलुवातसें पुलांम्ह मन्त्रीलिसें परराष्ट्रविद् हिरण्यलाल श्रेष्ठया स्वास्थ्य अवस्था बारे जानकारी कयादीगु दु । नेवाः न्ह्यलुवा मल्ल के. सुन्दरया नेतृत्वय् वंगु पुचलं अस्पतालय् वनाः परराष्ट्रविद्लिसें नेवाः न्ह्यलुवा श्रेष्ठयात नाप लानाः वय्कःया स्वास्थ्यस्थिति बारे जानकारी कयादीगु खः ।

परराष्ट्रविद् श्रेष्ठया स्वास्थ्य अवस्था बारे जानकारी कायेत नेवाः न्ह्यलुवा मल्ल के. सुन्दरया नेतृत्वय् नेपाः पार्टीया नायः डा. विजयप्रकाश सैंजूलिसें मेमेपिं व्यक्तिपिं नं झायादीगु खः ।

परराष्ट्रविद् श्रेष्ठ छुं दिं न्ह्यः मनमोहन अस्पतालय् जँया शल्यक्रिया याःगु खः । शल्यक्रिया लिपा थौंकन्हय् अस्पतालय् हे आराम यानाच्वनादीगु दु । उगु इलय् नेवाः न्ह्यलुवातय् पुचलं वय्कःया स्वास्थ्य लाभया कामना नं यानादीगु खः ।

अस्पतालय् आराम यानाच्वनादीम्ह श्रेष्ठं थःगु उसाँय् बांलाना वनाच्वंगु जानकारी बियादिसें अझं छुं दिं डिस्चार्ज जुइगु जानकारी बियादीगु खः । लिसें वय्कलं छुं दिं आराम यायेधुंकाः थः हाकनं न्हापा थें सक्रिय जुइगु विचाः नं प्वंकादीगु खः ।

नेपालभाषा टाइम्स

च्वमिया मेमेगु

• ख्वपय् सम्यकया तयारी
• तोखाय् घ्यःचाकु संल्हूकुन्हु चाकु दिवस
• आयुसंस्कार परित्याग दिवसयात कयाः सहलह
• अर्घाखाँची नेवाः समाजया साधारणसभा व अधिवेशन
• डेलावेयर नेवाः पुचःया यःमरि पुन्हि ज्याझ्वः