कुमारीया फेशन शोप्रति डब्लुएनओं क्षमा फ्वन

येँ (नेपालभाषा टाइम्स)÷वल्र्ड नेवाः अर्गनाइजेशनं छगू विज्ञप्ति पिकासें अर्गनाइजेशनया प्यक्वःगु तःमुँज्याय् कुमारीया किपा तयाः जूगु फेशन शोया लागिं क्षमा फ्वंगु दु । तःमुँज्याया छगू ब्व कथं नेवाः वसःया फेशन शो जूगु खःसा उकी कुमारीया किपायात गाउनया क्वय्पाखे तयाहःगु खँय् थीथी ख्यलं आपत्ति प्वंका हयेवं अर्गनाइजेशनं क्षमा फ्वंगु खः ।

फेशन शोया जिम्मा छगू संस्थायात बियागु व ई मगाःगु कारणं उमिगु सिर्जना थःपिंसं बांलाक स्वये मखंगु धासें थुकिया लागिं क्षमा फ्वनागु खँ विज्ञप्तिइ धयातःगु दु ।

विज्ञप्तिइ छुं नं धार्मिक सांस्कृतिक समुदायया आस्थाय् घाः लाइ कथंया ज्या यायेगु थःपिनि मनसाय मखु धासें असावधानीवस अथे जूवंगु खँ न्ह्यथनातःगु दु । कुमारीया किपायात गाउनया क्वय्पाखे तयाः जूगु फेशन शोयात कयाः नेवाः ख्यःपाखें नं आलोचना जुयाच्वंगु खः ।

सम्बन्धित बुखँ

LEAVE YOUR COMMENTS