भारतय् मे १७ तकया निंतिं लकडाउन थप

येँ – भारतय् हानं झिंप्यन्हुया निंतिं लकडाउन थप याःगु दु । मे ३ तकया घोषणा यानातःगु लकडाउन क्वचाये छुं दिं न्ह्यः भारतं हानं निवाःया निंतिं लकडाउन थप यायेगु निर्णय याःगु खः । न्हूगु घोषणा कथं आः मे १७ तक लकडाउन जुइ ।

कोरोना भाइरसया संक्रमणया अवस्था स्वया भारतं थीथी थाय्यात वर्गिकृत याःगु दु । भारतय् रेड, ग्रीन व अरेन्ज जोन कथं ब्वथलतःगु दु । उकी मध्ये ग्रीन व अरेन्ज जोनय् लाःगु थासय् धाःसा लडकडाउनयात छुं भचा खुल्ला यायेगु नं सरकारं निर्णय याःगु दु ।

भारतय् आः तक ३५ हजार नागरिकतय्त कोरोना भाइरसया संक्रमण जुइधुंकूगु दुसा १ हजार १ सय ५४म्ह सीधुंकूगु दु ।