रौतहतय् निम्हेसिके कोरोना पुष्टि, नेपालय् ५४ म्ह थ्यन
येँ – रौतहतय् निम्हेसिके कोरोना संक्रमण खनेदुगु दु । रौतहतया वृन्दावन नगरपालिका ९ या भुसहा व देवाी गोनाही नगरपालिका १ या निम्ह मिजंतय्के संक्रमण दुगु पुष्टि जूगु खः । थुकिया लिसें नेपालय् कोरोना संक्रमण जूपिं ५४ म्ह थ्यंगु दु ।
थौं मंगलवाः कोरोना पुष्टि जूपिं निम्हं भारतं लिहां वःपिं खः । उकी मध्ये २५ दँया छम्ह मिजं झिंप्यन्हु क्वारेन्टाइनय् च्वनाः छेँय् लिहां वनेधुंकूम्ह खःसा ३५ दँया मेम्ह छम्ह मिजं धाःसा क्वारेन्टाइनय् हे च्वनाच्वंम्ह खः ।
येँया राष्ट्रिय जनस्वास्थ्य प्रयोगशालाय् यानास्वःगु स्वाब परिक्षणय् उमिके कोरोना जूगु खनेदुगु खः ।
2077-01-26
LEAVE YOUR COMMENTS