ने. सं. ११४६ अनलाथ्व दशमी -

पास मदुगु गाडी चले यायेमबीत गृह मन्त्रालयया निर्देशन

येँ – गृह मन्त्रालयं लकडाउनया इलय् नं सवारी साधनया चाप अप्वयावंगुलिं पास मदुगु गाडीयात चले याये मबीत निर्देशन जारी याःगु दु ।

मन्त्रालय मातहतया सुरक्षा निकाय व फुक्क जिल्ला प्रशासनयात परिपत्र जारी यासें पास बिनाया सवारी साधनया आवत जावतय् पूर्ण रुपं रोग लगे यायेत निर्देशन बिउगु दु । अथेहे मन्त्रालयं लकडाउनयात थप कडाइ यायेत नं जिल्ला प्रशासनतय्त निर्देशन बिउगु दु ।

छुं न्हि थुके लकडाउनया इलय् नं सवारी साधनया चाप अप्वया वःगु खः । गृह मन्त्रालयं सोमवाः निर्देशन जारी यायेवं थीथी थासय् सुरक्षा निकायं सवारी जाँचयात तीव्रता बिउगु दु ।