मानव अधिकारया अवस्थाया अनुगमन यायेत उच्चस्तरीय समिति

येँ – कोरोना भाइरसया संक्रमणपाखें उत्पन्न परिस्थितिइ मानव अधिकारया अवस्था अनुगमन यायेत राष्ट्रिय मानव अधिकार आयोगं छगू उच्चस्तरीय समिति नीस्वंगु दु ।

आयोगं नेपाल बार एसोसिएसन, नेपाल पत्रकार महासंघ व गैरसरकारी संस्था महासंघनाप सहकार्य यायेगु निर्णय यासें समिति नीस्वंगू खः ।आयोगया दुजः गोविन्द शर्मा पौड्याल संयोजकया कथं च्वनादीगु समितिया सचिवय् वेद भट्टराई च्वनादीगु दु । अथेहे दुजलय् बार एसोसिएसनपाखें अध्यक्ष चण्डेश्वर श्रेष्ठ, महासचिव लीलामणि पौड्याल, पत्रकार महासंघया अध्यक्ष गोविन्द आचार्य, महासचिव रमेश विष्ट, गैरसरकारी संस्था महासंघया अध्यक्ष जीतराम लामा, महासचिव रामप्रसाद सुवेदी व आयोगया निर्देशक टीकाराम पोखरेल दु ।

समितिं कोरोना रोकथामया निंतिं सरकारां यानाच्वंगु ज्या, आम उपभोक्ताया अधिकार, न्याय प्रशासनया पहुँच, अभिव्यक्ति स्वतन्त्रता व नागरिकया कर्तव्य लगायतया विषयया अनुगमन यानाः मानव अधिकार आयोग व सरकारयात सुझाव बीगु ग्वसाः दु ।