कतार एयरवेजया फ्लाइटं वम्ह मेम्हेसित नं कोरोना संक्रमण

येँ – नेपालय् खुम्हम्ह कोरोना भाइरस(काेभिड-१९)या संक्रमित खनेदुगु दु । कतारया राजधानी दोहां चैत ४ गते नेपाः वःम्ह मनूयात कोरोनाया संक्रमण जूगु खँ स्वास्थ्य तथा जनसंख्या मन्त्रालयं धाःगु दु । न्हूम्ह संक्रमित नं कतारया क्यूआर ६५२ नम्बरया फ्लाइटं वःम्ह खः । थ्वस्वयां न्ह्यः वहे फ्लाइटय् दुम्ह मेपिं निम्हेसित नं काेराेनाया संक्रमण जूगु खः ।

स्वास्थ्य मन्त्रालयया नियमित पत्रकार सम्मेलनय् मन्त्रालयया प्रवक्ता डा. विकास देवकोटां नेपालय् कोरोना संक्रमिततय् ल्याः खुम्ह थ्यंगु जानकारी बियादिल । बिहीवाः संक्रमणया पुष्टि जुम्ह मनू बागलुङया ६५दँया मिसाम्ह जूगु खँ धाःगु दु ।