वीर अस्पतालय् कोरोना आशंका यानातःम्ह मिसा सित

येँया वीर अस्पतालय् छम्ह कोरोना संक्रमित धकाः आशंका यानातःम्ह मिसा सीगु दु । उम्ह मिसायात म्हिगः इमर्जेन्सिइ भर्ना याःगु खः । भर्ना याये हःबलय् हे बहोस अवस्था हःगु खँ धाःगु दु । वीर अस्पतालं धाःकथं वयात सासः ल्हायेत हे थाकुया च्वंगु अवस्थाय् वीर अस्पताल हःगु खः । सासः ल्हाये थाकूगुलिं वयात कोरोना संक्रमण जूगु आशंका याःगु खः ।

वयागु परीक्षणया रिपोर्ट धाःसा मवःनिगु खँ धाःगु दु । चन्द्रागिरी नगरपालिकाया १५ या उम्ह मिसा छवाः न्ह्यव जक भारतं वःम्ह धाःगु दु ।

मेखे बुटवलय् सीम्ह कोरोनाया आशंका यानातःम्ह मिजंया रिपोर्ट धाःसा नेगेटिभ वःगु दु ।