जल पाइप्स एण्ड फिटिङ्ग नेपाली बजारय्

येँ – नेपाःया बजारय् न्हूगु सिपिभि पाइप व फिटिङ्ग बजारय् वःगु दु । महालक्ष्मी वायर्स एन्ड केबल्सं थःगु न्हूगु उत्पादन जल पाइप्स एण्ड फिटिङ्गस म्हिगः छगू ज्याझ्वःया दथुइ सार्वजनिक याःगु खः । जल पाइप्सया ब्रान्ड एम्बेस्डर मनिषा कोइराला, अरिहान्त गु्रपया कार्यकारी निर्देशक गिरिस जैन, निर्देशक पारस लुनिया व जापानया सुकिसुइ कम्पनीया निर्देशकं मंकाः कथं सार्वजनिक यानादीगु खः ।

नेपाःया बजारय् वःगु थ्व न्हूगु पाइप एण्ड फिटिङ्गया निंतिं जापानया सुकिसुइ कम्पनीपाखें कच्चापदार्थ आयात यानाः जापान, जर्मनी व अस्ट्रियाया प्रविधि पाखें उत्पादन याइगु खँ धाःगु दु । सुकिसुइ पिसिपिभी, सिपिभि पाइपया निंतिं विश्वन्यंकं नांजाःगु ब्राण्ड खः ।
सन् १९६९ य् भ्वँया बाकस दयेकेगु कारखाना चायेकाः शुरु जूगु अहिन्ता समूहं थ्व पाइप बजारय् हःगु खः । अरिहान्त थौंकन्हय् केबल्स, होटल्स, अटोकोरुगेसन, आइरन एण्ड स्टिल, केमिकल्स, रेमिट आदि यानाः थीथी नीनिगू व्यवसायय् संलग्न दुगु पुचः खः ।