आनन्दसिद्धिया लिजः पिदन

येँ – साहित्यकार लिसें च्वमि आनन्दसिद्धि तुलाधरया बाखं, चिनाखँ व लुमन्ति मुना सफू ‘लिजः’ पिदंगु दु । वंगु शनिवाः थन जूगु छगू ज्याझ्वःया दथुइ येँ मनपा १८ वडाया पुलांम्ह वडाअध्यक्ष चन्द्रानन्द नेवालं उगु सफूया पितब्वज्या यानादीगु खः । नेपालभाषा परिषद्या नायः प्रा. सुवर्ण शाक्यया सभापतित्वय् जूगु परिषद्या दुजः पुष्परत्न तुलाधरं लसकुस यानादीगु खःसा पितब्वज्या जूगु सपूmयात कयाः नेवाः न्ह्यलुवालिसें साहित्यकार मल्ल के. सुन्दरं समीक्षा यानादीगु खः ।

ज्याझ्वलय् च्वमिं सफुतिइ दुथ्याःगु छपु बाखं ब्वनाः न्यंकादीगु खःसा वय्कःया म्ह्याय् साहित्यकार दिव्या ताम्राकारं चिनाखँ ब्वनादीगु खः । परिषद्या नायः प्रा. शाक्यं साहित्य धइगु ईयात ल्वःकथंया जुइमाःगु खँय् बः बियादिसें युग सापेक्ष साहित्य सिर्जना जुइमः धयादिल । लिसें वय्कलं सफू पिथनेगु नं विचाः सम्पे्रषण यायेगु खः धयादिल ।

मूपाहां नेवाः व च्वमिं नं थःथःगु नुगःखँ प्वंकादीगु ज्याझ्वलय् ऋद्धि तुलाधर, सुुसान महर्जन व अर्भिक खड्गीपाखें मंगल धुन न्ह्यब्वयादीगु खः । पितब्वज्या जूगु सफुतिइ नीखुपु बाखं, नीप्यपु चिनाखँ व न्यापु संस्मरण दुथ्यानाच्वंगु दु ।