प्रा. माणिकलालयात दान्यहिरा सिरपाः

येँ – थुगु दँया दान्यहिरा सिरपाः नांदंम्ह समालोचक व साहित्यकार प्रो. माणिकलाल श्रेष्ठयात बीगु जूगु दु । अथे हे दान्यहिरा हःपाः सिरपाः उपन्यासकार लिसें पत्रकार नजरराम महर्जनयात व दान्यहिरा विज्ञान प्रविधि सिरपाः मुनिबहादुर शाक्ययात बीगु नं निर्णय जूगु दु ।

नेपालभाषा एकेडेमिया तत्वावधानय् नीस्वनातःगु दान्यहिरा सिरपाः कोषपाखें थ्व सिरपाः बीगु खः । दान्यहिरा सिरपाः ५० द्वः तकाया खःसा मेगु निगू २५÷२५ द्वः तकाया खः । थ्वहे वइगु विहीवाः (कात्तिक १५ गतें यलया अशोक पार्टी प्यालेसय् छगू ज्याझ्वः यासें थ्व सिरपाः लःल्हाइगु ग्वसाः दु ।