प्रदेश २ लय् मतदानया तयारी

येँ – प्रदेश २ या नामाकरण व स्थायी राजधानी क्वःछीत मतदान याइगु जुइवं प्रदेशसभां उकिया कार्यविधि तयार याःगु दु । प्रदेशसभाया थीथी दलया प्रमुख सचेतकतय् बैठकं आचार संहिता नं तयार याःगु खः ।
म्हिगः नेपाली कांग्रेसया प्रमुख सचेतक उपेन्द्र कुशवाहया अध्यक्षताय् च्वंगु बैठकं उगु कार्यविधि पारित याःगु खः । कार्यविधिइ गोप्य मतदान प्रक्रिया व मतगणना लगायतया खँ दुथ्याः । उकथं हे मतदातां निर्वाचनय् पालना यायेमाःगु आचार संहिता संवैधानिक व्यवस्था कथं तयार यानागु व प्रदेशसभा सचिवालयया सचिव रंजित यादवयात निर्वाचन अधिकृत क्वःछिउगु दु ।
थौं च्वनीगु बैठकं राजधानीया नां व प्रदेशया राजधानी बारे दर्ता याःगु प्रस्तावय् सहमति यायेगु लागिं अन्तिम कुतः याइगु खँ धाःगु दु ।