‘संवत् सन्दर्भ छगू दुवाला’

येँ – थीथी संवत्या इतिहास नापं विक्रम संवत्या ऐतिहासिकतायात कयाः दुवालातःगु सफू ‘संवत् सन्दर्भ छगू दुवाला’या भर्चुअल माध्यमं विमोचन जूगु दु । पुर्णराम मुनकर्मिं च्वयादीगु थुगु सफू नेपालभाषा एकदेमिपाखें पिथँगु खः । मंगलवाः जूम पाखें छगू भर्चुअल ज्याझ्वः यासें प्रा. त्रिरत्न मानन्धरं सफूया विमोचन यानादीगु खः । सफूयात कयाः संस्कृतिविद् राजनलाल जोशीं टिप्पणी यानादीगु खः ।

एकदेमिया चान्सलर चित्तरञ्ज नेपालीया सभापतित्वय् जूगु ज्याझ्वः एकेदेमिया सदस्यसचिव मल्ल के सुन्दरजुं जूमपाखें न्ह्याकादीगु खः । थ्व सफू पिकायेगु निंतिं शिवचन्द श्रेष्ठ, उर्मिला जोशी व योगेश्वर अमात्यं ग्वाहालि यानादीगु खः ।