थँहिति मानन्धरया दँमुँज्या

धौख्यः – थँहिति मानन्धर गुथिया नीस्वक्वःगु व नीप्यक्वःगु दँमुँज्या वंगु शनिवाः धौख्यलय् विशेष ज्याझ्वःया दथुइ क्वचाल ।
गुथिया अध्यक्ष लक्ष्मीदास मानन्धरया सभापतित्वय् न्ह्याःगु ज्याझ्वलय् गुथिया थीथी ज्याय् योगदान बिया वयाच्वनादीपिं गुथिया दुजःपिं लक्ष्मीदास मानन्धर व रामबल्भ मानन्धर, साहित्यकारद्वय मथुरा साय्मि व राज साय्मियात साहित्य ख्यलय् बियादीगु योगदान, रामहरि मानन्धरं बाजनय् बियादीगु योगदानयातकयाः दोसल्लां न्ययेकाः हनेज्या याःगु खः ।

ज्याझ्वलय् रत्नबहादुर÷ धर्मबहादुर मानन्धर अक्षकोषपाखें २०७४÷०७५दँया एसइइ परीक्षाय् ताःलाःपिं विद्यार्थीपिंत दाता केशवबहादुर मानन्धरं नगद सिरपाः लःल्हानादीगु खः।

अथे हे गुलां लछियंकं बाजं थानादीपिं मस्तय्त नं विशेष कदर यायेगु आज्जुं गुथिया बाजं गुरु पुष्पकुमार (नाति)मानन्धरपाखें एक लाख न्यातकाया अक्षकोष नीस्वनेत अध्यक्ष मानन्धरयात दां लःल्हानादीगु खःसा  गुथिपाखें पछिमा स्यनेगु ज्याय् ताःलाःपिं मस्तय्नं दसिपौ नं लःल्हायेगु ज्या जूगु खः ।

प्रा.डा.त्रिरत्न मानन्धर लसकुस यानादीगु ज्याझ्वलय् सचिव गौतम मानन्धरं वार्षिक, कोषाध्यक्ष कृष्णप्रसाद मानन्धरं आर्थिक, सांस्कृतिक सचिव बद्रिनारायण मानन्धरं सांस्कृति, डा. त्रिरत्न मानन्धर व गणेश साय्मिं सनाःगूया आर्थिक व लक्ष्मीदास मानन्धर व तुल्सीनारायण मानन्धरं सीगुथिया आर्थिक प्रतिवेदन न्ह्यब्वदीगु खः ।

सम्बन्धित बुखँ

LEAVE YOUR COMMENTS