निक्वःगु हलिं मिसा बाखं मुँज्या क्वचाल

येँ – हलिं नेवाः दबू अमेरिका कचाया ग्वसालय् निक्वःगु हलिं मिसा बाखं मुँज्या जुल । नेपालभाषा ख्यःया नांजाःपिं मिसा साहित्यकारतय्सं ब्वति काःगु ज्याझ्वः शिकागोय् च्वनादीम्ह बाखंच्वमि केशर मान ताम्राकारया कजिसुइ जूगु खः । मुँज्याय् नेपालभाषाया च्वमिपिं सुवर्ण केशरी चित्रकार, सरस्वती तुलाधर, ईश्वरी मैया श्रेष्ठ, रेणु श्रेष्ठ, रितादेवी प्रधान जोशी अमेरिका, श्रीलक्ष्मी श्रेष्ठपिंसं थःथःगु बाखं ब्वना न्यंकादीगु खः । निक्वःगु नेपालभाषा मिसा बाखं ब्वमिपिनिगु हलिं बाखं मुँज्याया शनिवाः प्रत्यक्ष प्रसारण जूगु खः । ज्याझ्वःलय् हलिं नेवाः दबू अमेरिका कचाया नायः प्रमेश श्रेष्ठं ग्वाहालि यानादीगु खः ।