प्रमया वेबसाइटय् पोर्न भिडियो
येँ (नेपालभाषा टाइम्स)÷ प्रधानमन्त्री केपी ओलीया व्यक्तिगत वेबसाइट केपी शर्मा ओली डटकम
(kpsharmaoli.com) य् पोर्न भिडियो अपलोड जुयाच्वंगु लूगु दु । व्यक्तिगत जानकारी तकं दुथ्याकातःगु ओलीया उगु वेबसाइटया डोमेन एक्स्पाएर जुइधुंकाः मेम्ह मुनखं हाकनं दर्ता यानाः पोर्न भिडियो अपलोड याःगु खः ।
सन् २०१७ या मार्चया लिपांगु वालय् तक व्यक्तिगत जानकारी दुथ्याकातःगु ओलीया वेबसाइट अस्तित्वय् खनेदुसां वयां लिपा मेम्ह हे मनुखं दर्ता यानाः दुरुपयोग याःगु खनेदु । ताः ई तक ओलीं उगु डोमेन नवीकरण मयायेवं मेम्ह हे मनुखं दर्ता याःगु खः ।
चीनया छेन्दु वेस्ट डायमेन्सन डिजिटल टेक्नोलोजीं सन् २०१९ या मे २८ स उगु वेबसाइटया डोमेन हाकनं दर्ता जूगु खनेदु । उकथं हे उगु डोमेनया म्याद थ्वहे वइगु मे २८ तारिखय् फुइगु खँ न्ह्यथनातःगु दु । उगु वेबसाइटय् थौंकन्हय् सछि स्वयां अप्वः अश्लील भिडियो तयातःगु दु ।
उगु खँ सीकाः सरकारं उगु वेबसाइट बन्द यायेधुंकूगु खःसां नं अझ नं भीपीएन छ्यलाः स्वयेफइगु खँ धाःगु
दु । उगु वेबसाइट नेपाल सरकार दूरसञ्चार प्राधिकरणया निर्देशनय् बन्द यायेधुंकूगु दु ।
LEAVE YOUR COMMENTS