लक्ष्मीनारायण पुनमाया सिरपाः लःल्हात

येँ – जगतसुन्दर ब्वनेकुथिया ग्वसालय् छगू ज्याझ्वःया दथुइ एसइइ परीक्षाय् नेपालभाषा विषय कयाः उत्तीर्ण जूपिं विद्यार्थीपिंत लक्ष्मीनारायण पुनमाया सिरपाः लःल्हात ।
शताब्दीपुरुष सत्यमोहन जोशी मूपाहांकथं झायादीगु ज्याझ्वः सिरपाः समितिया अध्यक्ष डा. चुन्दा वज्राचार्यया सभापतित्वय् जूगु खःसा ज्याझ्वलय्पाहांकथं झायादीपिं तीर्थराम डंगोल, डा. त्रिरत्न मानन्धर, उपन्यासकार मथुरा साय्मि, पत्रकार सुजिव बज्राचार्य, नेवाः पत्रकार राष्ट्रिय दबूया नायः सुरजवीर बज्राचार्यपिंसं नुगःखँ तयादीगु खः ।

नेपालभाषा विषय कयाः एसइइ परीक्षाय् ताःलाःपिंत भिंतुना बिसें नेपालभाषा म्वाकातय्त, नेपालभाषा कयाः ब्वनीपिं विद्यार्थी अप्वयेकेत व यक्वसिनं नेपालभाषा छ्लाबुलाय् याकेत स्थानीय मातृभाषा अनिवार्य लागु याकेगु ज्याय् नेवाःत छप्पँ जुयाः न्ह्यावनेमाःगु खँय् वक्तातय्सं बःबियादीगु दु ।

नेपालभाषा टाइम्स

च्वमिया मेमेगु

• एनपिएलय् न्हापांगु शतक, पोखरा व कर्णाली त्यात
• भाषा कानुनय् ढिलासुस्ती
• छायादेवी कम्प्लेक्सया अन्तिम फैसला मंसिर २४ गते छेँ थुनेमाःगु दावी अझ क्वातुल
• भगवान बुद्धया पाजुपिनि नगरय् उत्खनन्
• ३३ दँ लिपा मंकाः खलःया स्वक्वःगु तःमुँज्या रमेशमान पिया न्हूम्ह नायः