‘मी टू’पाखें राहत जुइ !

छुं न्हि न्ह्यः । छपु च्वसु च्वयाः पिकया । सत्यमोहन दाइयात कयाः । सछिदँ क्यनेधुंकूम्ह सत्यमोहन दाइयात कयाः च्वसु च्वये दइगु अवसर जरुर नं सामान्य मखु । विशेष जुइ । शताब्दीपुरुष सत्यमोहन दाइया विशेषता वय्कःया दीर्घायु जक मखु । सछिदँ क्यंपिं भाजु मय्जुपिं मेमेपिं नं दइ । खतुं सुं नं सछि दँतक म्वाये दइगु चानुचुनया खँ मखु । विशेष हे जुइ । तर । म्वायेगुया अर्थ सासः ल्हायेगु जक मखु । गुलि मनूत वर्षं सछिदँ क्यनी । सासः ल्हानाच्वनी । तर ल्हाः–तुति संके फइमखु । विस्मृतिं ग्रस्त जुयाच्वनी । काय म्ह्याय्पिं हे म्हसीके फइमखु । छग्वारा चिनी । म्वानागु खःला खः जक धाये फइ । सक्रिय जीवन दइमखु । तर सत्यमोहन दाइया दीर्घ जीवनया खँय् वास्तविकता पाइ । सत्यमोहन दाइ सछिदँय् क्यंगु जक मखु, वय्कःयाके अझ नं ल्याय्म्हतय्सं ध्वये मफइगु सक्रियता खनेदइ । वय्कःया शरीर जक मखु, मन मष्तिस्क नं उतिकं तन्दुरुस्त । वय्कःया स्मरण शक्ति उतिकं हे तीक्ष्ण । चिन्तन मननया क्षमता उतिकं क्वातुनि । गन, गुथाय्, गुकथं नवायेमाः धइगु गणितय् वय्कः अझ नं पक्का तिनि ।

सत्यमोहन दाइया सतवार्षिकोत्सवय् वय्कःया असामान्य बैंशया खँ ल्हानां जक मगाः । वय्कःया विलक्षण मन, मष्तिस्क, चिन्तन मनन अद्वितीय प्रतिभाया नं च्वमछासे मगाः । अझ ला च्वछानां जक नं मगाः । गत च्वसुइ जिं छगू जिज्ञासा नं प्वंकागु खः । शायद विकसित देय्याम्ह सत्यमोहन दाइ जूगु खःसा वय्कःया असामान्य विशेषतायात कयाः गहन अध्ययन अनुसन्धान जुइधुंकल जुइ ।

सछिदँया उमेरय् नं उलि ताजा शरीरया रहस्ययात कयाः उच्चस्तरीय चिकित्सा विज्ञानं अध्ययन यात जुइ । वय्कःया सदावहार मष्तिस्कयात कयाः विज्ञ न्यूरोलोजिस्टतसें खोजी नीति यात जुइ । वय्कःया उतिकं सक्रिय मनयात कयाः मनोविद्तय्सं गहन विश्लेषण यात जुइ । वय्कःया जीवनशैलीयात कयाः योगसाधकतय्सं गहन अन्वेषण यात जुइ ।
झीथाय् देसय् थज्याःगु विलक्षण प्रतिभायात वैज्ञानिक दृष्टिं अध्ययन यानाः रहस्योद्घाटन यायेफुगु स्थिति मदु । अय्नं दीर्घायुयात कयाः लसता प्वंकाः, सुभाय् देछानाः सत्यमोहन दाइया सुस्वास्थ्यया कामना सकसिनं देछानाच्वंगु दु ।

वंगु जिगु च्वसुइ मेगु नं नं जिज्ञासा प्वंकागु खः । व च्वसुया नां ‘गं घाकीम्ह सु ?’ खः । सत्यमोहन दाइया अनेक अन्तर्वार्तात ब्वने । सलंसः न्ह्यसःत तइ । वय्कलं लिसः बियादी । ब्वने । तर जितः धाःसा वय्कःयात छता न्ह्यसः तयेमाःथें च्वनी । न्यने दुसा जिउ । थ्व सत्यमोहन दाइयात ‘व्यक्ति’या रुपय् मखु । सदावहार वृद्धया रुपं खनीम्ह वय्कःया ताजा व्यक्तित्वयात लुमंका । ‘उकिया’ बारे नं वय्कःयाके न्यने दुसा वृद्ध मनोविज्ञानय् तःधंगु योगदान जुइ । विचाः याये । तर वय्कःयाके सुनां न्यनीगु ? उकिं जिं गं घाकीम्ह सु ?
छ्यं तयागु खः ।

मखु …….. थ्व वृद्धात धइपिं झन अस्यः, खतरापूर्ण, ग्यानापु …….. थुपिं खनाः बचे जुइमाः । पिनें जक वृद्ध ….. थुमिसं मौका लातकि चौका ह्वाये धुंकी …….. वृद्धातय्त कयाः मिसातय्सं टिकाटिप्पणी याना च्वंगु तायेके नं । थज्याःगु टिकाटिप्पणी न्यनेबलय् वृद्ध मनोविज्ञान बारे शंका लुया वइ । यथार्थ छु जुइ ? वृद्ध बैंशय् धाथें ‘व’ फुइ धुंकी ला ? वा हुयांफुयां ल्यनाच्वनी । अश्लिल जिज्ञासाकथं मखु । वृद्ध मनोवैज्ञानिक लिसः सीके दुसा जिउ थें ताइ ।

जिगु च्वसु ब्वनाः पासा शाक्य सुरेनं थःगु प्रतिक्रिया बियादी । जिं थःगु च्वसुइ ल्याय्म्हम्ह शताब्दीपुरुषयाके ‘उकिया’ बारे नं न्यने दुसा जिउ धइगु धकाः जिज्ञासा प्वंकागु खँय् शाक्यजुं धयादी, ‘…….. झी हे ला ……..’ सछिदँ दुम्ह सत्यमोहन दाइयाके गनं दइ ! ‘उकिया’ जिज्ञासा प्वंकेगु फजुल …….. । शाक्यजुया खँ न्यने …….. थःगु न्ह्यसःया औचित्य फुगु अनुभव जुइ …….. !
मखु …….. थ्व वृद्धात धइपिं झन अस्यः, खतरापूर्ण, ग्यानापु …….. थुपिं खनाः बचे जुइमाः । पिनें जक वृद्ध ….. थुमिसं मौका लातकि चौका ह्वाये धुंकी …….. वृद्धातय्त कयाः मिसातय्सं टिकाटिप्पणी याना च्वंगु तायेके नं । थज्याःगु टिकाटिप्पणी न्यनेबलय् वृद्ध मनोविज्ञान बारे शंका लुया वइ । यथार्थ छु जुइ ? वृद्ध बैंशय् धाथें ‘व’ फुइ धुंकी ला ? वा हुयांफुयां ल्यनाच्वनी । अश्लिल जिज्ञासाकथं मखु । वृद्ध मनोवैज्ञानिक लिसः सीके दुसा जिउ थें ताइ ।
थन दः भूपू प्रम कृष्णप्रसाद भट्टराई लुमनी । भट्टराईजु अविवाहित । तर वय्कः तसकं ‘फ्राय्न्क’ । ‘जि विवाहित नं मखु, कुमार नं मखु ।’ धया जुइ । वय्कःया वृद्धावस्था वय्कःयात विचाः याइम्ह मय्जुयातकयाः अनेक यौनसम्बन्धी आरोप याइ । वय्कलं छक्वः विजयकुमारलिसेया अन्तर्वार्ताय् धाइ, ‘विजय ! जि असक्त, वृद्ध जितः अनेक आरोप बी ।’ भाजु भट्टराईया धापुतिं नं वृद्धा आसक्तिया सीमां छु गुलि ज्ञां बी । वय्कःया धापुतिं कमजोरीया आत्म स्वीकृति खनेदइ ।

हालय् जिं बाखं छपु च्वया । नां– व । बाखनय् छम्ह हाइफाइ मय्जुं छम्ह वृद्धायात बसय् थःगु म्हय् लिधन धकाः यौन हिंसाया दोष बी । वृद्धायात पुलिस चौकीइ हइ । यौन अपराधया उजुर याइ । वृद्धां ‘मखु’ धाइ । पुलिसं हाइफाइ मय्जुयात धाइ, ‘जिमिथाय् हालय् यौन मापन यन्त्र वःगु दु । व यन्त्र तयाः स्वये । उकिया लिधंसाय् निर्णय बी ।’ प्रहरी अधिकारीं यौन मापन यन्त्रं उम्ह वृद्धाया अ·प्रत्य· परीक्षण याइ । यन्त्रं क्यनी …….. यौनया मात्रा शुन्य । अझ — १ । ‘म्याडम, वृद्धाया यौन मात्रा— १, उकिं वयात यौन अपराधी खंकेगु अवैज्ञानिक जुइ ।’ प्रहरी अधिकारीं धाइ । ‘मी–टू’या जगजगी जुयाच्वंगु इलय् यौन मापन यन्त्रं वृद्ध जनतय्त तःधंगु राहत बी ।