गुथिइ ठगी ज्या पनेत कुतः

येँ – सरकारं सरकारी, सार्वजनिक व गुथि जग्गा संरक्षण सम्बन्धी न्याम्ह दुजः दुगु जाँचबुझ आयोगया प्रतिवेदन कार्यान्वयन यायेगु निर्णय याःगु दु । सोमवाः च्वंगु मन्त्रिपरिषद् बैठकय् प्रस्तुत जूगु प्रतिवेदनय् न्ह्यथनातःगु गुथि जग्गा गुथिया नामय् कायम यायेगु प्रक्रिया न्ह्याकेत गुथि संस्थानयात निर्देशन बिउगु दु ।

प्रतिवेदनया सिफारिस कथं थीथी जिल्लाय् रोक्का तयाः व्यक्ति विशेषया नामय् दुगु जग्गा बदर यानाः सरकारया नामय् हयेगु प्रक्रिया न्ह्याकेत निर्देशन बिउगु दु । उकथं हे गुथि जग्गाया कीर्ते व ठगी सम्बन्धी खँयात कयाः अनुसन्धान यानाः कारबाही यायेत प्रहरीयात निर्देशन बिउगु दुसा प्रतिवेदनय् न्ह्यथनातःगु भ्रष्टाचारया बारे अनुसन्धान यायेत अख्तियार दुरुपयोग अनुसन्धान आयोगय् पौ छ्वयेगु निर्णय नं याःगु दु ।

सरकारं वंगु ६ जेठय् मोहनरमण भट्टराईया अध्यक्षताय् सरकारी, सार्वजनिक व गुथि जग्गा संरक्षण सम्बन्धी न्याम्ह दुजः दुगु जाँचबुझ आयोग नीस्वंगु खः ।

सम्बन्धित बुखँ

LEAVE YOUR COMMENTS