उदाय समाजया झिंन्हय्क्वःगु दँमुँज्या

येँ- उदाय समाजया झिंन्हय्क्वःगु दँमुँज्या दल्लु आवासस्थित कसाः ख्यलय् वंगु शनिवाः जुल । समाजया नायः डा. रुपज्योति कसाःया सभापतित्वय् जूगु ज्याझ्वलय् उदाय समुदायया दकलय् ज्याथम्ह मोतिकृष्ण तुलाधर मूपाहांकथं झायादीगु खः ।

ज्याझ्वलय् थीथी ख्यल् उत्कृष्ट योगदान बियादीपिं, शिक्षा क्षेत्रय् सर्वोत्कृष्ट ल्याः हयादीपिंत थीथी सिरपाः हना व छात्रवृत्ति लःल्हाःगु खः । अथे हे उगु ज्याझ्वलय् प्यम्ह ज्याथयात नं हनेज्या याःगु खःसा छम्ह जिथि व प्यम्ह असक्तयात आर्थिक ग्वाहालि नं लःल्हाःगु खः ।
समाजया न्वकु प्रेमरत्न स्थापितं लसकुस यानादीगु ज्याझ्वलय् मूछ्याञ्जे राजकुमार कसां वार्षिक प्रगति विवरण व दांभरिं प्रविणराज कसां आर्थिक प्रतिवेदन न्ह्यब्वयादीगु खः ।