कसाः मिसा पुचःया तालिम

येँ(नेपालभाषा टाइम्स)- कसाः मिसा पुचलं आयमूलक तालिमकथं झोल साब्वं दयेकेगु व लाकांया की रिङ दयेकेगु तालिम बिउगु दु ।
झोल साब्वं दयेकेगु तालिम पुचःया हे दांभरिं रत्नकमल कंसाकारं बियादीगु खःसा की रिङ दयेकेगु तालिम केशररत्न कसां बियादीगु खः ।

समाजं मिसातय्त लक्षित यानाः उगु तालिम संचालन याःगु खः । समाजं थःगु समुदायया मिसापिंसं सीपमूलक तालिम सयेका तयेमाः धइगु उद्देश्यकथं थुकथंया थीथी तालिम संचालन याना वयाच्वंगु दु । प्रशिक्षार्थीतय्सं उत्पादन याःगु ज्वलं न्हिथंया जीवनय् छ्यला यंकेगु ग्वसाः खलकं धाःगु दु ।