नेपोली फाइनलय्

मिलान (एजेन्सी) – ड्रिस मार्टेन्सया निर्णायक गोलया ग्वाहालिं नेपोलीं शनिवा: बहनि इन्टर मिलानयात निगू लेगया सेमिफाइनलय् बुका: इटालियन कपया फाइनल थ्यंगु दु । बुधवा: जुइगु फाइनलय् नेपोलीं युभेन्ट्सया सामना याइ । नेपोलीं समग्र २-१ या अग्रता का:गु ख: । निगूगु लेगया कासा १-१ या बराबरी क्वचा:गु ख: । सानसिरोय् जूगु न्हापांगु लेगया कासाय् नेपोली १-० त्या:गु ख: । मार्टेन्स थुकिया झ्वलय् नेपोलीया नितिं दकलय् अप्व: गोल याम्ह कासामि नं जूगु दु । वं क्लब नितिं या:गु गोल १२२ थ्यंगु दु ।