बायर्न झिगु ल्याखं च्वये

म्युनिक (एजेन्सी) – बायर्न म्युनिकं शनिवा: बहनि जर्मन बुंडेसलिगाय् झिगू ल्या:या अग्रता का:गु दु । थुकिया नितिं वं रेलिगेसनया सम्भावनापाखे वना च्वंगु फोर्टुना डुसलडोर्फयात अपुक ५-० बुकल । बन्द रंगशालाय् बायर्नया नितिं रोबर्ट लेवनडोस्कीं निगू गोल या:गु ख: । लिगय् न्यागू चरणया कासा जक ल्यं दनि । थ्व ल्याखं बायर्न निश्चित उपाधिपाखे न्ह्या: वंगु द । बायर्न लिगय् थ:गु लिपांगु च्यागू कासाय् लगातार त्या:गु दु । आइतवा: निगूगु थासय् च्वंगु बोरुसिया डर्टमुन्डं पार्डाबोनयात बुका: बायर्नया अग्रतायात कम यायेफु । शनिवा:या हे मेगु कासाय् हेर्था बर्लिनं आउग्सबर्गयात २-०, होफनहाइमं माइन्जयात १-०, भेरडाआ ब्रेमेनं साल्केयात १-० व आइनट्राख्ट फ्रान्कफुर्टं वोल्फ्सबर्गयात २-१ बुकल ।