याताजः श्याम–विश्व सिरपाः अमात्ययात लःल्हात

ख्वप – याताजः नेपालभाषा साहित्य दबूया ग्वसालय् जूगु छगू ज्याझ्वःया दथुइ न्हापांगु ‘याताजः श्याम–विश्व सिरपाः– ११३९’ं ल्याय्म्हम्ह साहित्यकार नरेश अमात्ययात लःल्हात । साहित्यकार सौरभ शाक्यया सभापतित्वय् जूगु ज्याझ्वलय् वाङ्मय शताब्दीपुरुष सत्यमोहन जोशीं उगु सिरपाः लःल्हानादीगु खः । साहित्यकार अमात्यया ‘आखें’ नांया चिबाखं सपूmया निंतिं उगु सिरपाः बिउगु खः।

उगु हे ज्याझ्वलय् बाखं च्वमि श्याम आशाया न्हूगु चिबाखं मुना सपूm ‘लाल्टिन’ या नं मू पाहां जोशीं पितब्वज्या यानादीगु खः
ज्याझ्वलय् मूपाहां जोशी, साहित्यकार योगेन्द्र प्रधान, पुरस्कृति व्यक्तित्वं नुगःखँ प्वंकादीगु ज्याझ्वलय् बाखं च्वमि कृष्णभक्त बोडें लसकुस यानादीगु खःसा विमल ताम्राकारं सुभाय् देछानादीगु खः ।

नेपालभाषा टाइम्स

च्वमिया मेमेगु

• कन्हसंनिसें त्वाः त्वालय् संकिपा महोत्सव
• यल अध्ययन केन्द्रया नेपालभाषा पाठवाचन ज्याझ्वः
• साहित्यकारतलिसे गंल्वय् अभिमुखीकरण
• बुंगद्यः जावलाख्यः थ्यन, ६ गते भो टो जात्रा
• पशुपति विकास कोषय् पीन्यान्हु न्ह्यनिसें धर्ना