येँ – पशुपति लागाया पवित्रस्थल कैलाशय् डोजर थत यंकूगु खँय् स्थानीय जनतां विरोध याःगु दु । कैलाश क्षेत्रय् दयेकेत्यंगु छुं संरचनाया लागिं अन डोजर चले यानाः चा मिले यायेगु ज्या याःगु खः ।
तर सकस्यां पवित्रस्थल धकाः आस्था याना तःगु थासय् डोजर थत यंकेवं स्थानीय जनतां विरोध यानाः डोजरयात लित छ्वया बिउगु खः । डोजर चले याःगु खनेवं स्थानीय सचेत मनूत अन हे वनाः डोजरयात पनेगु लिसें चले याये दइ मखु धासें लित छ्वया बिउगु खः । डोजरयात पना बिउगु खँय् पशुपति विकास कोषं सुयातं छुं धाःगु धाःसा मदुनि ।

पशुपतिया कैलाश डाँडाया अतिकं पवित्रस्थल जूगुलिं अन मनूत न्यासि वनेगु बाहेक छुं हे कथंया सवारी साधन तकं चले याके बियातःगु मदु । पशुपति विकास कोषं हे अन सवारी साधन निषेध यानातःगु खः । तर हिन्दू धर्मावलम्बीतय् आस्था दुगु थासय् अथे डोजर चले याःगुलिं स्थानीय धर्मावलम्बीत तंचायाच्वंगु दु । अज्याःगु धार्मिकस्थलय् पशुपति विकास कोषं आक्रमण याःगु द्वपं नं स्थानीय मनूतय्सं बिउगु दु ।

सम्बन्धित बुखँ

LEAVE YOUR COMMENTS