भारतीय नक्साया विरोधय् नेवाः देय् दबूया विरोध

येँ –  नेपाःया भूभाग कालापानी लिम्पियाधुरा व लिपुलेकयात भारत सरकारं जारी याःगु न्हूगु नक्साय् दुथ्याकूगुलिं नेवाः देय् दबुलिं प्रेस विज्ञप्ति पिकासें विरोध याःगु दु । देय् दबूया कार्यवाहक अध्यक्ष चन्द्रलाल राजभण्डारी व मूछ्याञ्जे माइलाबाबु द्योलां जारी याःगु प्रेस विज्ञप्तिइ भारतं जारी याःगु नक्साय् सार्वभौम, स्वतन्त्र राष्ट्रया भूभाग अतिक्रमण यायेगु लिसें सेना तकं तयाः नेपाःयात हाथ्या बियाच्वंगु धासें उकिया घोर विरोध याना धयातःगु दु ।

अथेहे भारतीय मिचाह प्रवृत्ति विरुद्ध नेपाः सरकारया गम्भीर ध्यानाकर्षण यासें नेपाः व भारत दथुइ सीमा विवादयात कयाः प्रभावकारी ढंगं कुटनीतिक माध्यमं समाधान यायेत नं माग यानातःगु दु ।भारतीय नक्साया विरोध यासें म्हिगः माइतीघर मण्डलाय् नं विरोध जूगु दु । वानेश्वरय् विप्लवया पार्टीपाखें याःगु विरोधय् न्याम्हेसित ज्वंगु दु ।

सम्बन्धित बुखँ

LEAVE YOUR COMMENTS