WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SHOW FULL COLUMNS FROM `wp_options`

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SELECT t.*, tt.*, tr.object_id FROM wp_terms AS t INNER JOIN wp_term_taxonomy AS tt ON t.term_id = tt.term_id INNER JOIN wp_term_relationships AS tr ON tr.term_taxonomy_id = tt.term_taxonomy_id WHERE tt.taxonomy IN ('category', 'post_tag', 'post_format') AND tr.object_id IN (27721) ORDER BY t.name ASC

‘भिजिट नेपाल’य् सांस्कृतिक पक्ष – नेपालभाषा टाइम्स

‘भिजिट नेपाल’य् सांस्कृतिक पक्ष

नांजाःगु पत्रिका फोब्र्सं सन् २०२०य् चाहिलेबहःगु झिगू देय्या धलः सार्वजनिक याःगु दु । उकी मध्ये नेपाःयात दकलय् न्हापांगु थासय् तयातःगु दु । फोब्र्सं नेपाःया जंगलय् चाहिलेगु नापं हिमाल आरोहणयात उच्च प्राथमिकताय् तयातःगु दु । चितवन व बार्दियाय् जंगल सफारि यायेगु निसें सगरमाथय् वनाः ब्रेकफास्ट यायेगु तकया विवरण नं फोब्र्सं थःगु च्वसुइ दुथ्याकातःगु दु । ब्याकप्याक ट्रेकर्सतय् निंतिं जक मखसें विलासि पर्यटकतय् निंतिं नेपालय् पर्याप्त थाय् व आतिथ्य याइगु होटल व रिर्सोटत दुगु खँ फोब्र्सं न्ह्यःथनातःगु दु ।

सन् २०२०यात नेपालं ‘भिजिट नेपाल’ वर्ष धकाः घोषणा यानातःगु इलय् नांजाःगु फोब्र्स पत्रिकाय् वःगु थुगु च्वसुतिं नेपाःया पर्यटन क्षेत्रयात अवश्य नं ग्वाहालि जुइगु आशा कायेछिं । नेपाः सरकारया पाखें भिजिट नेपालया निंतिं यानाच्वंगु तयारी नाप नापं विदेशीतय्सं नेपाःया बारे यानाच्वंगु प्रचारं यानाः मेगु दँय् नेपाः चाःहिउ वइपिनि ल्याः अप्वइगु अनुमान यायेगु थाय् दु । नेपालय् दुगु अथाह प्राकृतिक सौन्दर्यता प्रति पर्यटकत न्हापांनिसें हे मन्त्रमुग्ध जुइगु अनुभव झीगु न्ह्यःने दु । अझ विश्वया सर्वोच्च शिखर सगरमाथा नापं विश्वया उच्च न्हय्गू शिखरत नेपालय् दुगुलिं नं हिमाल आरोहीतय् निंतिं नेपाः छगू मू गन्तव्य स्थलया कथं जुयाच्वंगु दु ।
धार्मिक हिसाबं स्वयेगु खःसा भगवान बुद्धया जन्मभूमि लुम्बिनी बौद्धतय् निंतिं आस्थाया केन्द्रविन्दु खःसा हिन्दुतय् निंतिं पशुपति देगः मू धार्मिक स्थल खः । थीथी देय्या उच्चपदाधिकारीत नेपाः भ्रमणय् वइगु इलय् थःथःगु आस्था कथं लुम्बिनी वा पशुपतिनाथय् वनेगु यानाच्वंगु दु । थुकथं धार्मिक पर्यटकतय् निंतिं नं नेपाः छगू प्राथमिकताय् लाइगु गन्तव्य स्थल खः ।

नेपाःया भ्रमणया निंतिं आः प्रचार जुयाच्वंगु नं थुकथं हे खः । साहसिक पर्यटन, प्राकृतिक पर्यटन, आध्यात्मिक पर्यटन नापं धार्मिक पर्यटन आदि । थुपिं फुक्कं नेपाःया पर्यटनया छगू थां खत । थुकथं हे छगू मेगू थां खः, सांस्कृतिक पर्यटन । थुकिया बारे चर्चा मजूगु मखु । नेपाःया पूर्खातय्सं धस्वाकाः थकूगु सांस्कृतिक धरोहरत पर्यटकतय् निंतिं आकर्षणया विषय खः । स्वयम्भू महाचैत्य निसें खास्ति चैत्य अले स्वनिगः दुने च्वंगु स्वंगुलिं लायकू, चांगुनारायण लगायत सांस्कृतिक सम्पदां पर्यटकतय्त सालाच्वंगु दु ।

सन् २०२० यात नेपालं ‘भिजिट नेपाल’ वर्ष धकाः घोषणा यानातःगु इलय् नांजाःगु फोब्र्स पत्रिकाय् वःगु थुगु च्वसुतिं नेपाःया पर्यटन क्षेत्रयात अवश्य नं ग्वाहालि जुइगु आशा कायेछिं । नेपाः सरकारया पाखें भिजिट नेपालया निंतिं यानाच्वंगु तयारी नाप नापं विदेशीतय्सं नेपाःया बारे यानाच्वंगु प्रचारं यानाः मेगु दँय् नेपाः चाःहिउ वइपिनि ल्याः अप्वइगु अनुमान यायेगु थाय् दु ।

थ्वला युनेस्कों हे विश्व सम्पदाय् तयातःगु नेपाःया सम्पदा स्थलत जुल । अन पर्यटकतय्सं आकर्षण क्यनीगु स्वभाविक खत । तर नेपाः उकी मध्ये नं स्वनिगः अज्याःगु थाय् खः गन सम्पदाया खानि दु, संस्कृतिइ तसकं तःमि जू । स्वनिगः दुने उलिमछि बहाःबहीत दु । बहाःबही दुने चिभाः नापं अमूल्य मूर्तित दु । नापं स्वनिगःयात द्यः व देगःया शहर कथं कायेगु याः ।

न्हापा थन छेँ स्वयां अप्व देगः दुगु विश्वास नं याइ । उकीं उलिमछि द्यः व देगः दुगु थाय् जूगुलिं पर्यटकतय्त थुकेपाखे नं झीसं सालाकायेगु कुत जुइमाः ।
पिने पिने देशय् थःगु संस्कृति लोप जुइधुंकाः पर्यटकतय्त क्यनेगु निंतिं सांस्कृतिक म्युजियज दयेकाः क्यनेगु याइ । पर्यटकतय्त सालाकायेगु याइ । तर झीगु संस्कृति लोप जूगु मदुनि । झीसं न्हियान्हिथं हनाच्वनागु दु । त्वाःत्वाः पतिकं झीगु संस्कृति दु, सांस्कृतिक पर्व दु । पर्यटन वर्षया इलय् त्वाःत्वालं थःगु संस्कृतियात न्ह्यब्वयेगु धइगु झीगु संस्कृतियात विश्व न्ह्यःने ब्वयेगु निंतिं तःधंगु ह्वःताः खः ।

अझ स्वनिगःयात ‘लिभिङ म्युजियम’ नं धायेगु याइ । स्वनिगः दुने दुगु गुलि नं बाजं, दबू प्याखँ, हुला प्याखँ, चर्या प्याखँ, लिपिया क्यालिग्राफि आदियात पर्यटन वर्षय् क्यनेफुसा थुकिं यक्व फाइदा याइ । छगू, थःगु संस्कृतिया प्रचार प्रसार जुइ । मेगू गुलि नं संस्कृति न्ह्यब्वइपिं खः, वय्कःपिनिगु निंतिं लजगाः सृजना यायेगु व आर्थिक आर्जन यायेगु अवसर नं जुइ । दकलय् महत्वपूर्ण खँ, गुलि नं तनावनेत्यंगु संस्कृति दु, उकीयात नं झीसं न्ह्यब्वयेफुसा उकीया नं संरक्षण जुइ ।

थ्वनापं झीगु संस्कृति व सभ्यता नाप स्वानाच्वंगु थाय् धाइगु झीगु ‘कोर सिटि’ खः । पर्यटकतय् नं छगू तसकं महत्वपूर्ण थाय् कथं थुकीयात छ्यलेमाः । ‘हेरिटेज वाक’या कन्सेप्ट इलय् ब्यलय् वयेगु यानामच्वंगु मखु । तर स्थायी रुपं थुकीया कार्यान्वयन जुइमफुनि । आः पर्यटन दँ झीगु निंतिं छगू अवसर नं खः । थुगु दँय् स्वनिगः दुनेया ‘कोर सिटि’यात ‘हेरिटेज जोन’ घोषण यानाः व्यवस्थित यायेगु खःसा बुलहुं हिलाच्वंगु थनया रहनसहन हानं रैथाने रुपं लिहांवयेफु । अव्यवस्थित जुयाः वनाच्वंगु थुगु थाय्यात हानं न्हापा थें जीवन्त यानायंकेगु थ्व छगू बांलागु अवसर खः ।

केन्द्र सरकारं ‘भिजिट नेपाल’यात पिनेया आवरण कथं जक प्रचारप्रसार यानाच्वंगु दु । उकिं क्वय् तक वनाः अनया समुदाय व जनतायात नं संलग्न याकाः यंकेगु कर्तव्य प्रदेश व स्थानीय सरकारया खः । स्वनिगःया सवालय् झीगु जीवित संस्कृति व सम्पदायात प्रचार यायेगु जिम्मा थनया स्थानीय तहया खः । अथाह संस्कृति व सम्पदाय् तःमि झी नेवाःतय्सं पर्यटन दँयात छगू अवसरया कथं कायेगु खःसा थुकीं झीगु संस्कृतियात तिबः जुइ ।

सरकारं सन् २०२०य् नीगु लख मनूत नेपाः भ्रमणय् हयेगु कथं योजना दयेकूगु जुल । उकिं वइगु दँय् भ्रमणय् वइपिं पर्यटकतय् छुं प्रतिशत जक नेवाः वस्ति व नेवाः सभ्यता नाप भ्यलेपुने फुसाः नं उकिं नेवाःतय् संस्कृतियात तिबः बी । सन् २०२० क्यनेत छवाः जक ल्यँ दनीसां स्थानीय सरकार व समुदाय मिलेजुयाः न्ह्याः वनेफुसाः भ्रमण वर्षपाखें झीगु संस्कृति संरक्षण यायेगु नापं संस्कृतिया प्रचार यायेगु व संस्कृृति संरक्षण यानाच्वपिनिगु निंतिं नं छगू उपलब्धिपूर्ण दँ जुइफु ।

सम्बन्धित बुखँ

WordPress database error: [Can't create/write to file '/tmp/#sql_27fb_0.MAI' (Errcode: 28 "No space left on device")]
SELECT t.*, tt.*, tr.object_id FROM wp_terms AS t INNER JOIN wp_term_taxonomy AS tt ON t.term_id = tt.term_id INNER JOIN wp_term_relationships AS tr ON tr.term_taxonomy_id = tt.term_taxonomy_id WHERE tt.taxonomy IN ('category', 'post_tag', 'post_format') AND tr.object_id IN (13744, 15237, 18756, 22741, 25392, 27357) ORDER BY t.name ASC

LEAVE YOUR COMMENTS