नेकपा २७ वडाया भिंतुना कालबिल

येँ – नेपाल कम्युनिष्ट पार्टी (नेकपा) २७ वडा कमिटीया ग्वसालय् नेपाल संवत् ११४० न्हूदँया लसताय् भिंतुना कालबिल ज्याझ्वः जुल ।
उगु ज्याझ्वलय् २०७५ व ०७६ सालय् एसइइ परीक्षा व नर्सिंग विषयय् उत्तीर्ण जुयादीपिं वडाया विद्यार्थीतय्त नं सम्मान याःगु खः । अथे हे ज्याझ्वलय् शिक्षालिसें सांस्कृतिक, कासा, सम्पदा, पर्यटन, उद्योग, विकास निर्माण व सामाजिक क्षेत्रय् योगदान याःगु संघसंस्थायात नं सम्मान याःगु खः ।

येँ महानगरपालिकाया प्रमुख विद्यासुन्दर शाक्य मूपाहांकथं झायादीगु ज्याझ्वलय् प्रदेश सांसद केशव स्थापित, पार्टीया ३ नं. प्रदेशया सह इन्चार्ज दिलीप महर्जन, येँ महानगरपालिका २७ वडाअध्यक्ष चिनियामान वज्राचार्य, पार्टीया येँ महानगर कमिटीया अध्यक्ष रविन्द्र श्रेष्ठ लगायतया व्यक्तिपिंसं सम्माननित व्यक्तित्वपिंत हनापौ लःल्हानादीगु खः ।