स्वनिगःया च्वका च्वकाय् च्वापु

येँ – स्वनिगः लागाया थीथी पर्बः च्वकाय् म्हिगः च्वापु वागात । म्हीग बहनीनिसें वयाच्वंगु वां यानाः म्हिगः स्वनिगः दुने च्वंगु फूच्व (फुल्चोकी), गोदावरीया थीथी लागा, चन्द्रागिरीइ च्वापु वा गाःगु दु । लिसें म्हिगः दामनया सिमभञ्ज्याङय् नं च्वापु वागाःगु खः ।
च्वापु वागायेवं च्वापुइ म्हितेत म्हिगः स्वनिगःया आपालं ल्याय्म्ह ल्यासेत उगु लागापाखे वंगु खः ।

सवारी साधन ज्वनाः फूच्वपाखे वंपिं मनूत लिहां वःबलय् जाम जुयाः लँय् ताउत तक पियाच्वने माःगु अवस्था तकं वःगु खः । च्वापुइ म्हितः वंपिं मनूत अन च्वापुया थीथी मूर्ति दयेकाः व च्वापुया ग्वारां थवंथः कयेकाः म्हिताच्वंगु खः । च्वापु वा गायाः उगु लागाया छेँ, देगः आदि तुइसे हे च्वंक च्वापुं त्वपुया तःगु खः ।

चान्हंनिसें वा वयाः ख्वाउँ अप्वया वःगुलिं म्हिगः स्वनिगःया जनजीवन नं सामान्य रुपं प्रभावित जुल । म्हीग देय्या पहाडी लागाय् जाःगु जुम्ला, डोटी, दैलेख आदि जिल्लाय् न्हापा स्वयां गाक्कं अप्वः च्वापु वागाःगु खः । थुकिं यानाः अन मनूत पिहां वयेत तकं थाकुगु खः ।

सम्बन्धित बुखँ

LEAVE YOUR COMMENTS