संकिपा क्यनाः समाजया बुदिं हन

येँ- तोखा खड्गी युवा समाजया खुदँ बुन्हि वंगु शनिवाः छगू विशेष ज्याझ्वः यासें हन । समाजया खुदँ बुन्हिया लसताय् तोखाया थःनेलाछि त्वालय् खुल्ला रुपं नेपालभाषाया संकिपा ‘थम्हं म्हूगु गाः’ क्यनेज्या नं याःगु खः । समाजया नायः प्रेमकृष्ण शाही सभापतित्वय् जूगु समाजया बुन्हि ज्याझ्वःया उलेज्या तोखा नगरपालिकाया मेयर प्रकाश अधिकारीं त्वाःदेवाय् मत च्याकाः यानादीगु खः ।

समाजया बुन्हिया लसताय् जूगु सांस्कृतिक ज्याझ्वः नं जूगु खः । उगु ज्याझ्वलय् नांजाःपिं म्येँ हालामिपिं सानुबाबु महर्जन, सुरज व्यञ्जनकार, यमन श्रेष्ठ, सरस्वति मानन्धर, दर्शन शाही लगायतया कलाकारं म्येँ न्यंकादीगु खःसा रुची शाक्य, सुजन वज्राचार्य व निशा खड्गीं चर्या व आधुनिक हुलाप्याखं न्ह्यब्वयादीगु खः ।

उगु ज्याझ्वलय् ग्राण्डी अस्पतालया अध्यक्ष दीपक कुँवर, वरिष्ठ सिने पत्रकार विजयरत्न असंबरे, संकिपाकःमि किशोर खड्गी, बासु शाही, नेपाल राष्ट्रिय खड्गी समाजया नायः मानबहादुर खड्गी पाहांकथं झायादीगु खः । समाजया बुन्हिया हे झ्वलय् चीहाः संकिपा कुमति व ‘मू’, खड्गी द गे्रट मुखिया नं क्यनेज्या जूगु खः ।

सम्बन्धित बुखँ

LEAVE YOUR COMMENTS