बुइ न्ह्यः हे अपराध ठहर
येँ–नुवाकोट जिल्लाया छम्ह मनू बुइ न्ह्यः हे अपराधी ठहर जुयाः जेल चलान जूगु दु । स्थानीय पंचकन्या गाउँपालिका–५ वडा साविकया भद्रुटार ३ या सानुवीरे तामाङ (नौलै) थः जन्म जुइ स्वयां स्वदँ न्ह्यः हे छगू चोरीया घटनाय् दोषी ठहर जुयाः जेल तकं चलान जूगु दु ।
नुवाकोट जिल्ला अदालतं तामांगयात चोरी मुद्दाय् दोषी ठहर यानाः जेल चलान याःगु खः ।
तामांगया जन्म २०१८ चैत ६ गते खःसा अदालतया २०१५ जेठ १८या पैmसलाय् खुदँ कैद नापं २४२३÷५० जरिवाना न्यंकूगु धासें अदालतया उगु पैmसला कार्यान्वयन यायेगु झ्वलय् वयात वंगु बुधवाः जेल चलान याःगु खः ।
चिरञ्जीवी नांया मनूया जोहरीं सरकारवादी जूगु चोरीया मुद्दाय् अदालतं अदालतया पैmसलां दोषी ठहर जूम्हेसित मालेगु ज्वलय् प्रहरीं बुधवाः हे तामांगयात भद्रुटारस्थित छेँय् नं ज्वनाः उकुन्हु हे अदालतय् पेश याःगु खः ।
अदालतया स्रेष्टेदार महिमानसिंह बिष्टं जरिवाना वापतया ध्यबा असुल यानाः कैद भुक्तानीया निंतिं तामांगया नुवाकोट कारागार चलान याःगु जानकारी बियादीगु दु । ‘दोषी ठहर जूम्ह थ्व हे खः धकाः प्रहरीं उपस्थित याकल, वय्कलं नं गल्ती स्वीकार याःगुलिं कारागार छ्वयागु खः’ स्रेष्टेदार बिष्टं धयादिल ।
जन्म जुइ स्वयां स्वदँ न्ह्यःया मुद्दाय् दोषी ठहर याःम्ह सानुवीरेया काय प्रेमबहादुर तामांगं थः निर्दोष अबुयात जेल चलान याःगु धासें प्रहरी व अदालतय् वंगु खःसां न्यायिक प्रक्रियापाखें न्ह्याः वनेत सुझाव बिउगु दु । निर्दोष मनूयात जेल चलान याःगु धासें तामांगया छेँजःपिंसं वयात रिहा यायेत इनाप याःसां प्रहरी व अदालतं बन्दीप्रत्यक्षीकरण रिटपाखें उच्च अदालतय् वनेत सुझाव बिउगु दु ।
LEAVE YOUR COMMENTS