येँ मनपा व काविवि दथुइ सम्झौता

येँ (नेपालभाषा टाइम्स) – येँ महानगरपालिकाया प्रमुख विद्यासुन्दर शाक्यं यदि येँय् दुपिं विशिष्ट जनशक्तिं दायित्व कायेगु खत धाःसा थन सहरी सरसफाइया लिच्वः याकनं पिहां वइगु खँ धयादीगु दु । वय्कलं येँय् देय् धइगु विशिष्ट व्यक्तित्वया बसोबास जुयाच्वंगुलिं सहर जूगुलिं इमिसं सहरी सरसफाइलय् दायित्व कायेगु खःसा येँ देय् याकनं हे स्वच्छ व सफा जुइ धयादिल ।

महानगर प्रमुख शाक्यं उगु खँ येँ महानगरपालिका व काठमाडौं विश्वविद्यालय (काविवि) दथुइ सरसफाइया विषयय् व्यावसायिक शिक्षा संचालनया निंतिं जूगु सम्तायेँ मनपा व काविवि दथुइ सम्झौतापती ल्हाःचिं तयेगु ज्याझ्वलय् धयादीगु खः ।

‘थम्हं हे उत्पादन याःगु खि च्व सुनां, गुकथं व्यवस्थापन यानाच्वंगु दु धइगु खँ तकं शहरवासीं विचाः यानाच्वंगु मदु’, महानगर प्रमुख शाक्यं धयादिल, ‘विचाः याःपिंसं नं व्यवस्थापनय् ग्वाहालि यानाच्वंगु मदु । अःखबतं थथे याःसा जिउ, अथे याःसा बांलाइ जक धायेगु यानाच्वंगु दु, तर थःगु भागय् लाःगु दायित्व निर्वाह यानाच्वंगु मदु ।’

प्रमुख शाक्यया उपस्थितिइ सरसफाइ व स्वच्छताया निंतिं व्यावसायिक तालिम संचालनया निंतिं जूगु सम्तायेँ मनपा व काविवि दथुइ सम्झौता पती येँ मनपाया प्रमुख कार्यकारी अधिकृत राजेश्वर ज्ञवाली व काविविया विश्वविद्यालयया स्कुल अफ इन्जिनियरिबया डीन डा. डम्बरबहादुर नेपालीं ल्हाःचिं तयादीगु खः ।

सम्बन्धित बुखँ

LEAVE YOUR COMMENTS