चकंदबू दुने याःगु ढलान स्यंकल

चकंदबु (खुल्लामञ्च) दुने च्वंगु अस्थायी बसपार्कय् यानाच्वंगु ढलानयात स्थानीयवासीतय्सं स्यंकाःबिउगु दु । खुलाया निंतिं जक अस्थायी बसपार्क धकाः कयातःगु चकंदबुली स्थायी बसपार्क निर्माण यायेत्यंगु धासें स्थानीयवासीतय्सं विरोध याःगु खः ।

आइतवाः सुथाय् ढलान यायेगु सुरु जुइवं येँ महानगरपालिकाया उपमयेर हरिप्रभा खड्गी, येँ क्षेत्र नं ६या सभासद् भिमसेनदास प्रधान, येँ २८ वडाया अध्यक्ष भाइराम खड्गी लगायत स्थानीयवासीत चकंदबुली वनाः ढलान यायेगु ज्याया विरोध याःगु खः ।

चकंदबुली थ्यंपिं स्थानीयतय्सं ढलान यायेत छचाखेरं तयातःगु जस्ताया बार लिकानाछ्वःगु खःसा ढलान यानातःगु थासय् बस चलेयानाः ढलानयात स्यंकूगु खः ।

पुलांगु बसपार्कय् भ्यू टावर निर्माण यायेत्यंगुलिं अनया बसपार्क खुलाया निंतिं धासें चकंदबुली सारे याःगु खः ।

सम्बन्धित बुखँ

LEAVE YOUR COMMENTS