स्यनामि दबूया महानगर व जिल्ला कमिटी

ये – नेवाः स्यनामि दबूया ग्वसालय् गणबहाःया नेपाल आदर्श माविइ जूगु छगू ज्याझ्वलय् नेवाः स्यनामि दबू अन्तर्गत महानगर समिति व जिल्ला कमिटीया ल्यज्या जुल । मुक्कं नीखुगू ब्वनेकुथिया स्यनामिपिनिगु उपस्थिति दुगु उगु ज्याझ्वलय् दबूया छ्यांज्ये बरुणप्रसाद वैद्यं सामुदायिक ब्वनेकुथिइ नेवाः स्यनामिपिनिगु हक अधिकार सुनिश्चित यायेगु तातुनां थुगु ज्याझ्वः दबुलिं ग्वसाः ग्वःगु ख“ कनादिल ।

वय्कलं थीथी ब्वनेकुथिइ नेपालभाषा ब्वंकाच्वंपिं नेवाः स्यनामिपिनिगु निंतिं दरबन्दीया व्यवस्था यायेगु निंतिं आवश्यक पलाः उगु समितिं न्ह्याकीगु ख“ नं न्ह्यथनादिल ।दबूया न्वकु कृष्णभक्त मानन्धरं ब्वनेकुथि वा गुगुं नं लागाय् नेवाः अधिकार सुनिश्चित यायेगु निंतिं दकलय् न्हापां नेवाःत छवाः जुइमाःगु ख“य् बः बियादिसें आः तकया दुने थीथी सामुदायिक ब्वनेकुथिइ न्यागूगु तगिंतक नेपालभाषाया कक्षा संचालन जुयाच्वंगु व भविष्यय् च्यागू तगिंतक अनिवार्य रुपं नेपालभाषा ब्वंकेगु व्यवस्था यायेगु तातुना दबुलिं कयाच्वंगु ख“ कनादिल ।

दबूया दुजः मदनसेन वज्राचार्यं नेवाःतय्त न्हंकेगु तातुनां नेवाःतय्गु दथुइ फुट ब्वलंकेगु कुतः जुयाच्वंगु दु धासें नेवाः भाय् संरक्षणया निंतिं नेवाःत हे जागृत जुइमाःगु ख“य् बः बियादिल ।मु“ज्यां ज्योति महर्जनया अध्यक्षताय् महानगर समिति ल्यःगु खः । समितिइ निमा राजभण्डारी छ्यांज्ये, विजयश्री वज्राचार्य दांभरि, रेणु शाही न्वकु, अशोक शाक्य लिउ छ्याञ्जे व दुजलय् करुणा प्रधान, मीरा श्रेष्ठ, रोसना शाक्य, बिनिता शाक्य, लक्ष्मी श्रेष्ठ व अमृतराज्य जोशीपिं सर्वसम्मतं ल्यःगु खः ।

अथे हे विरेन्द्र बज्राचार्यया अध्यक्षताय् ये“ जिल्ला कमिटी नं ल्यःगु खः । कमिटीइ पुनम डंगोल न्वकु, खिलकुमार प्रधान छ्यांज्ये, सजनी श्रेष्ठ लिउछ्यांज्ये, उज्ज्वलतारा वज्राचार्य दांभरि, दुजलय् सृजना सिं, गीता महर्जन, तुलसी श्रेष्ठ, शोभा बज्राचार्य, कमला मानन्धर व दयाचन्द्र श्रेष्ठपिं च्वनादीगु खः ।