न्हूदँ समितिइ डा. वज्राचार्य हानं नायः
येँ (नेपालभाषा टाइम्स)÷नेपाल संवत राष्ट्रिय न्हूदँ समारोह समिति न्हूदँ ११४४ या नायः पदय् वर्तमान नायः प्रा.डा. नरेशमान बज्राचार्ययात हाकनं ल्यःगु दु । म्हिगः जूगु भेलां न्हूदँया नितिं न्हापा दछिया नितिं नायः ल्ययेगु यानाच्वंगु खःसा कार्यविधि हिलाः थ्वपालंनिसें निदँया नितिं नायः ल्ययेगु क्वःछिउगु दु । वय्कलं थथे थःत नायः ल्यःगुयात सहर्ष स्वीकार यासें नेपाल संवतयात च्वन्ह्याकेगु नितिं ज्या यायेगु प्रतिवद्धता प्वंकादीगु खः ।
न्हूदँ समारोह समितिया नायः दच्छिया कार्यकाल दयेकाः ज्या यायेबलय् उगु दच्छिया दुने द्गु अनुभव छ्यले मखंगु खँयात कयाः ताः ई न्ह्यवंनिसें सः तयाच्वंगु खः ।भेलाय् नेपाल संवत आन्दोलन, नेपालभाषाया आन्दोलनय् निरन्तर न्ह्यानाच्वंगु संघसंस्थालिसें प्रतिष्ठित संघसंस्थाया प्रतिनिधिपिं उपस्थित जूगु खः ।
भेलाय् सुजिव वज्राचार्यं लसकुस यानादीगु खःसा प्रगति विवरण समारोह समिति सचिवालय दुजः उमेश स्थापितं न्ह्यब्वयादीगु खः । अथेहे, ल्याःचाः सचिवालयया आर्थिक समितिया दुजः अमृत ताम्राकारं न्ह्यब्वयादीगु खः ।
LEAVE YOUR COMMENTS