केशचन्द्र गुंला बाजंया गुँभ्वय्

येँ – केशचन्द्र गुंला बाजं खलः, इतुंबहाःपाखें तःजिक गुँभ्वय् न्यायेकल । वंगु शनिवाः थनया गोकर्णेश्वर उत्तर गयाय् उगु गुँभ्वय्या ग्वसाः ग्वःगु खः । खलःपाखें थुगुसी गुंलाया इलय् लछियंकं थीथी कथं ग्वाहालि यानादीपिंत सुभाय् देछायेकथं उगु गुँभ्वय्या ग्वसाः ग्वःगु खः ।

खलःपाखें जूगु बाजं स्यनेगु ज्याय् उमेर वने धुंकाः नं सक्रिय रुपं बाजं सयेकादीपिंत खादां क्वखायेकाः सम्मान नं याःगु खः । खलःया बाजं गुरु दीपकमान शाक्यं उमेर वने धुंकाः नं मन तयाः बाजं सयेकेगुलिइ उत्साह क्यनादीगुलिं लसता प्वंकादिसें वइगु दिनय् नं उकथं हे मन तयाः बाजं सयेकेत व खलःया भौ मस्तय्सं नं बाजं सयेकादीत इनाप यानादिल ।

सम्बन्धित बुखँ

LEAVE YOUR COMMENTS