जैशिदेल युथ क्लबया झिंन्हय्क्वःगु कार्यसमितिया न्हूधाः
येँ – थनया जैसिदेगलय् च्वंगु जैसिदेगल युथ क्लबया भिंmन्हय्क्वःगु ज्यासना पुचःया न्हूधाः वंगु शनिवाः छगू ज्याझ्वःया दथुइ क्लबया भवनय् क्वचाल ।क्लबया न्हूगु ज्यासना पुचलय् राजेश प्रजापति अध्यक्ष, राजेन्द्र महर्जन उपाध्यक्ष, चन्द्रगोपाल प्रधान महासचिव, हितेश कार्जित सचिव, गिरीधरमान श्रेष्ठ कोषाध्यक्ष व मूदुजलय् प्रमेशबहादुर श्रेष्ठ, प्रविण कर्माचार्य, राजेन्द्र मानन्धर, भरत कारंजित, ज्ञानिकमान दिपकार व तिर्थ राईपिं निर्वाचित जुयादीगु दु ।
वय्कःपिं सकलें निर्विरोध निर्वाचित जुयादीगु खः ।ल्यज्याया निंतिं क्लबया सल्लाहकार नापं नेपाल चलचित्र संघया उपाध्यक्ष मधुसुदन प्रधानया संयोजकत्वय् राजेश शर्मा व हरिश्वरमान रंजित दुजः जुयादीगु निर्वाचन समिति गठन याःगु खः ।क्लबं सामाजिक, धार्मिक, सांस्कृतिक जात्रापर्व, सम्पदा संरक्षणलिसें निःशुल्क स्वास्थ्य शिविर, मस्तय् प्रतिभाया कदर यायेगु नापं मेमेगु ज्याझ्वःत यानावयाच्वंगु दु ।
क्लबया सामाजिक ज्याय् मिसातय् नं उलि हे भूमिका दयेमाः धइगु तातुनाः थनिं स्वदँ न्ह्यः गठन याःगु ‘भाउजु–बुहारी समूह’ स्वदँ न्ह्यः वंगु चैतय् दर्ता जूगुलिं समूहया सकल दुजःपिंत नं उगु ज्याझ्वलय् हनेगु ज्या याःगु खः । क्लबया नवनिर्वाचित नायः नापं नेपाल तेक्वान्दो संघ प्रदेश नं. ३ या महासचिव तकं जुयादीम्ह प्रजापतिं क्लबया भावी योजना पित बीगु नापं निर्वाचन कमिटीया सुभाय् बियादीगु खः ।
LEAVE YOUR COMMENTS