ओलीं सःतूगु बैठकय् माधव पुचः मवनीगु

येँ -नेकपा एमाले माधव नेपाल पुचःया स्थायी कमिटी बैठकं यथास्थितिइ नेकपा एमालेया ओली पुचलं थौं बालुवाटारय् सःतूगु केन्द्रीय समितिया बैठकय् मवनेगु निर्णय याःगु दु । तर बैठकं पार्टी एकताया निंतिं आह्वान धाःसा याःगु दु । पार्टी अध्यक्ष ओलीं थौं सःतूगु बैठकय् मवनेगु बारे फुक्कं नेतातय्गु छगू हे मत जूगु खँ धाःगु दु ।

बैठकय् नेता योगेश भट्टराईनं तकं यथास्थितिइ बालुवाटार वने मफइगु खँ धयादीगु खः । ओली पुचः व नेपाल पुचःया निगूगु पुस्ताया नेतातय्सं पार्टी एकताया निंतिं निरन्तर कुतः यानाच्वंगु दु । तर वंगु छुं न्हि न्ह्यः जक ओली पुचलं याःगु निर्णयया कारणं वार्ता सकारात्मक जुइत समस्या जुयाच्वंगु खँ धाःगु दु ।

ओली पुचलं पार्टीया झिक्वःगु महाधिवेशन तयारी समिति भंग यानागु धाःसां नेपाल पुचःया माग कथं २०७५ जेठ २ गतेया अवस्थाय् पार्टीयात अझं मयंकूगुनिगु द्वपं बीगु यानाच्वंगु दु ।