छगू हे घटना दोहरे जुयाः वयेगु अप्वल

यल – महानगरीय प्रहरी परिसरया कथं घरेलु हिंसासम्बन्धी छगू हे घटना दोहरे जुयाः वयेगु यानाच्वंगु दु । परिसर अन्तर्गतया महिला तथा बालबालिका सेवा केन्द्रया प्रमुख चञ्चला श्रेष्ठं कनादीकथं थः भाःतलिसे जूगु थीथीकथं जुइगु ल्वापुया घटनायात कयाः मिसापिं तःक्वःहे वयेगु यानाच्वंगु दु ।

प्रहरीं घटनाया प्रकृति स्वयाः सामान्य ल्वापु वा कचवं जूसा मेलमिलाप याना छ्वयेगु यानाच्वंगु दु । अय्नं अथे मेलमिलाप याना छ्वःसां छवाःया दुने हे हाकनं व हे समस्या ज्वनाः वयेगु यानाच्वंगु दु । केन्द्रया प्रमुख श्रेष्ठया कथं गुलिखे ला नियमित रुपं दँ दँ न्ह्यवंनिसें वयाच्वंगु घटनात नं दु । मिसा हिंसाय् दकलय् अप्वः घरेलु हिंसा प्रहरीयाथाय् वयाच्वंगु दु ।

इहिपा व जन्म दर्ता याके मबिउगु घटना निसें कयाः भाःतं कलाःयात दाःगु, नकेपुंके मबिउगु, पिने मेम्ह कलाः तयातःगु, मचाखाचायात वास्ता मयाःगु धइगु कथंया समस्या ज्वनाः मिसापिं उजुरी तयेत वयेगु यानाच्वंगु दु । गुलिखे मिसापिं न्हापां थः भाःतयात कारवाहीया माग ज्वनाः वयेगु याइगु व लिपा हाकनं त्वःतेत वयेगु यानाच्वंगु दु । केन्द्रया कथं न्यून व मध्यम वर्गयापिं दकलय् अप्वः छेँया समस्या ज्वनाः वयेगु यानाच्वंगु दु ।

सम्बन्धित बुखँ

LEAVE YOUR COMMENTS