नेवाः देय् दबूया थीथी सिरपाः घोषणा

येँ – नेवाः देय् दबूपाखें बीगु याना वयाच्वंगु नारायणदेवी-तीर्थ व गिरिधर लाल सिरपाः घोषणा जूगु दु । नेवाः देय् दबूपाखें दँय्दसं थःगु बुदिं कुन्हु थ्व सिरपाः बीगु याना वयाच्वंगु खः ।

थुगु दँय् दुहांवःगु थीथी सिफारिस व आवेदन मध्ये नारायणदेवी-तीर्थ समाज सेवा सिरपाः विराटनगरया झी पुचःयात बीगु जूगु दुसा नारायणदेवी-तीर्थ व्यवसायी प्रोत्साहन सिरपाः मय्जु अञ्जना ताम्रकार येँयात बीगु जूगु दु ।

अथे हे साहित्यकार, अन्वेषक, भाषासेवीयात बीगु गिरिधर लाल सिरपाः यलया साहित्यकार छत्रबहादुर कायस्थयात बीगु जूगु दु ।

थुगु फुक्कं सिरपाः देय् दबू नीस्वंगु नीन्यादँ क्यनीगु न्हि कुन्हु लाकाः थ्वहे भाद्र १९ गते छगू ज्याझ्वलय् लःल्हाइगु ग्वसाः दु । म्हिगः सिरपाः समितिया निर्णायक मुँज्यां थुगु दँया सिरपाः घोषणा याःगु खः ।