इलय् खाना मबिउगु झोंकय् गाहाकिं वेटरयात स्यानाबिल

पेरिसया छगू होटेलय् गाहाकिं वेटरयात गोलिं कयेकाः स्याना बिउगु दु व नं थःगु खाना याकनं तयार याना मबिउगु झोंकय् ।शुक्रवाः बहनी जूगु थुगु घटनायात कयाः अनया प्रहरीं अनुसन्धान न्ह्याकाच्वंगु दु । गोलिं कयेकूम्ह गाहाकि धाःसा बिसिउँ वंगुलिं ज्वने मफुगु व स्वास्थ्यकर्मिपिंसं ब्वहलय् गोलि लाःम्ह २८ दँया वेटरयात धाःसा बचे याये मफुगु खँ न्ह्यथंगु दु ।

मदुम्हेसिया पासां उम्ह गाहाकिं वं अडर याःगु खाना दयेकेत्यंगु इलय् व तंचाःगु खँ न्ह्यथंगु दुसा थुगु घटनां यानाः अनया स्थानीय बासिन्दा पसःथुवाःत तसकं दुःखित जूगु दु । थुगु होटल छुं हे समस्या मदुगु शान्त रेष्टुरान्ट खःसा थुगु होटल छुं महिना न्ह्यः तिनि चायेकूगु खः ।
थनया स्थानीय बासिन्दात सतकय् लागू पदार्थया कारोबार अप्वया वःगु हुनिं थथे अपराध अप्वया वःगुलिं चिन्तित जूगु दु ।

 

सम्बन्धित बुखँ

LEAVE YOUR COMMENTS