सतक मदयेकूगुलिं हाकुगु ध्वाँय्

येँ – चाबही–जोरपाटी–सक्व सतकया अवस्था न्हिथं स्यना वनाच्वंगुलिं अनया यातायात व्यवसायीतय्सं सांकेतिक विरोध याःगु दु । सतकया अवस्थायात कयाः आन्दोलन याना वयाच्वंपिं स्थानीय वासिन्दाया ग्वाहालिं यातायात व्यवसायीं गाडीइ हाकुगु ध्वाँय् सहित सरकारयात थीथी न्ह्यसः न्यनातःगु दु ।

गाडीइ तयातःगु व्यानरय् च्वयातःगु दु, ‘जिमिसं पुला तयागु कर गन वनी ? ध्याचः व धूमुक्त लँय् गबले न्यासि वनेदइ सरकार ?’ प्यदँ दयेधुंकाः नं सतक छाय् पीच मजुल सरकार ?’ आदि नारा च्वयाः गाडी चले यानाच्वंगु दु ।

निदँया दुने क्वचायेमाःगु सतक आः तक नं छुं नं कथंया ज्या मजूगु धासें स्थानीय जनतां वा वइबलय् ध्याचः व निभाः त्वइगु इलय् धू ब्वयाः थःपिंसं सास्ति फयेमालाच्वंगु धासें आक्रोश नं प्वंकूगु दु । निदँया दुने क्वचायेमाःगु सतक प्यदँ दयेधुंकाः नं ५० प्रतिशत हे ज्या मजूगु द्वपं नं स्थानीय जनतां बिउगु दु ।

 

सम्बन्धित बुखँ

LEAVE YOUR COMMENTS