राणा शासन वल । राणा शासकत सर्वेसर्वा । शक्तिशाली । अझ निरंकुश । इमिसं छु हुकुम बिल । व हे कानून जुइ । देय्या सम्पूर्ण आर्जन । इमि सम्पत्ति जुइ । निजी धुकुतिइ वनी । राणा शासकत तसक विलासी । तसकं हे मस्ती । मिसागुलु । मिसागुलुया अर्थ छु ? जिज्ञासा लुइ । अय्लाः अप्वः त्वनीपिंत अय्लाःगुलु धाइ । बस ! अथे हे मिसातलिसे मनय् लू थे सना जुइपिंत मिसागुलु धाइ ।

राणा प्रधानमन्त्रीतय् कलाःपिं फै बथां थें दयाच्वनी । मिखां खंक्व मय्जुपिं इमित यल कि ताके याइ । अनेक जुक्ति, प्रलोभन क्यनी । इमित जालय् क्यंकी । राणा प्रम जंगबहादुर बेलायत वंबलय् लखौं पाउण्ड फुकाः छम्ह नामी परिलिसे लसपस याःगु, चा छ्याःगु खँ चर्चाय् वः । खँ जंगबहादुरया जक मखु, राणा प्रधानमन्त्रीत सकलें धइथें तःम्हमछि कलाः तयेगु खँय् उतिकं नां जाः ।

रसिक । छम्ह निम्ह कलाःपिं ला इमित नमचम । नं स्वये थें जक जुइ ।थौंकन्हय् नेपाली संकिपा ख्यलय् नं मिसागुलुतय् खूृब चर्चा जुयाच्वंगु दु । प्यम्ह प्यम्ह कलाः दुम्ह छम्ह नामी सिने प्रोड्युसरया चर्चा सामाजिक संजालय् स्वयं छगू संकिपा जुयाः भाइरल जुयाच्वंगु दु । व नायकया नां थन मकाये । सु खः ? छिकपिं पाठकतसें अनुमान यानादिसँ ।

म्वाय्कं म्वाय्कं जिं हाकनं छाय् मसि सितिं छ्वये ? व नायक सिनेमा जगतया छम्ह सुविख्यात प्रोड्युसर खः । यक्व हिरो हिरोनीतय्त सिनेमाय् हयेधुंकूम्ह । छम्ह माताजिं व प्रोड्युसरया ल्हाः स्वइ । धाइ । ‘छम्ह मय्जु अझ नं छिम्ह गृहिणी जुयाः वइतिनि !’ न्याम्हम्ह मय्जु । प्रोड्युसरया अर्धा·िनी जुयाः वइगु भविष्यवाणी माताजीं याइ ।

अर्धा·िनी खँग्वः थन पाय्छि गथे जुइ ? विचाः याये । छम्ह मय्जु जक कलाः जूसा ला वयात अर्धा·िनी धाये फइ । धायेमाः । आः न्याम्हम्ह कलाः जुयाः वइम्ह मय्जु ला गथे जुयाः अर्धा·िनी जुइ फइ ? व ला चकंछि अर्धा·िनी जुइत नं मुश्किल । थ्व ला सामान्य लाता हिसाबं नं धाये फइ ।

तर सुयात सुयात गुलि गबले अर्धा·िनीकथं छ्याय्फ्वाय् यानाःछ्यली ! व ला छ्यलीम्हेसिया हे गणितया खँ जुइ । बहुपत्नी दुपिं भाजुपिनि कल्पना याये । मती लुइ । वाह ! गुलि चयनया अवसर, सुविधा ! हाकनं खँ लुइ ‘साया घाः क्वखं मसिउ’ धाःथें थ्व बहुकलाःवालातय् घाः छु, गज्याःगु जुइ, वला इपिं भोगीतयसं हे सी । हालय् ।

प्यम्हम्ह मय्जुया पति जुइगु सौभाग्य दुम्ह सिने प्रोड्युसर भाजुयात दसां कइ । प्यम्हम्ह कलाः मय्जुं ‘थःत पति प्रोड्युरजुं स्यायेत स्वःगु दु’ धकाः द्वपं बियाः सामाजिक संजालय् नांगेझार याइ । थौंकन्हय् ‘मि टू’ आन्दोलनं छ्यं ल्ह्वना हयाच्वंगु ई । मिसातय्सं थःत छेँय् भाःपिंसं, अफिसय् हाकिमतय्सं, शिक्षण संस्थाय् शिक्षकतय्सं याइगु यौन दुव्र्यवहार, यौन हिंसा बारे मुक्तकण्ठं पोलापोल याना हयाच्वंगु दु ।

गुलिखे महत्वाकांक्षी कलाकारतसें थःत बजारय् उपभोग्य वस्तुकथं ब्वइ । मी । वस्तुया उपादेयता फुत कि उकिया मू तनी । फुइ । ग्ल्यामरया प्रलोभनं थौं यक्व कलाकारत बजारया लेनदेनया शिकार जुइ ।

सिनेमा, नाटकय् नं निर्देशक, प्रोड्युसरतसें मिसा कलाकारतय्त याइगु यौन दुव्र्यवहार बारे पिडकतपाखें अनेक असन्तोष चिन्ता व्यक्त याना हयाच्वंगु न्यने दु । प्रोड्युसरपिंसं फिल्मय् नायिकाया भूमिका बीत यौन शोषण याः धइगु खँत नं पिहां वः । ‘सिनेमाय् हिरोनी जुइगु लोभं थःत वृद्ध मिजंप्रति समर्पित यात, आः हालां, ख्वयां छु याये ?’ प्रोड्युसरया प्यम्हम्ह कलाः जुयाः वंम्ह मय्जुयात नागःतुगः याइपिं नं पिहां वल ।

फिल्मी दुनियाय् थौंकन्हय् ग्ल्यामरया खँ वइ । थःत ग्ल्यामरवान क्यनेत गुलिखे महत्वाकांक्षी कलाकारतसें थःत बजारय् उपभोग्य वस्तुकथं ब्वइ । मी । वस्तुया उपादेयता फुत कि उकिया मू तनी । फुइ । ग्ल्यामरया प्रलोभनं थौं यक्व कलाकारत बजारया लेनदेनया शिकार जुइ । अले इलं मलाये धुंकाः हालां छु याये ?! थौंकन्हय् सिनेमाया अनेक यौन दुर्घटना बारे न्यनये ।

राणाकाल लुमनी । अबलय् यौन दुव्र्यवहार विलासिताया नामय् जुइ । थौंकन्हय् ‘ग्ल्यामर’या नामय् ।थन चर्चाय् वयाच्वंम्ह प्रोड्युसरया स्वम्हम्ह कलाः मय्जु नं नांजाःम्ह सिने स्टार । वया प्रोड्युसर भाजुलिसे सम्बन्ध विच्छेद जुइ ।व मय्जुं हाकनं ब्याहा मयाःनि । वं धया जुइ, ‘झिनिदँ तक जि पूर्व पतिलिसे च्वना । अले त्वःता ।

तर जि अझं कुमारी तिनि । पूर्व पतिलिसे अझं जिगु स्वापू दु । भाःतकथं मखु । पासा, सल्लाहकारकथं । जिमि नतुसुतु ब्याः ।’ हालय् । छम्ह कलाकारया अजिबगु खुलासा बारे ब्वना । ‘प्रोड्युसर पतियात सम्बन्ध विच्छेद जुइ न्ह्यः स्वम्हम्ह हिरोनी कलाःतं ‘जितः मचा माल । बिउ धकाः’ मिजंयात दबाव बी । प्रोड्युसर भाजुं लिसः बी, ‘झिगू लाख दां बिउ ।

अले जक छंत मचा बी फइ । नत्रसा ….. !’झिदँतक नापं च्वनाः द्यनाः नं व हिरोनी मय्जु छाय् कुमारि जुल ? जिं अनुमान याये । ग्यासें वइ । हरेक मिजंतसें कलाःपिंलिसे मचा दयेकेगु थज्याःगु लेनदेनया अंकुश तःसा छु याये ?

सम्बन्धित बुखँ

LEAVE YOUR COMMENTS