सुपरस्टारतय् हट फिल्म

बलिउडया सुपरस्टार धालकी दकले न्हापां वइगु नां राजेश खन्नाया खः, तर आः वयाः थ्व सुपरस्टार खँग्वः नं सामान्य जुया वयेधुंकल । थौंकन्हय् सलमान खाननिसें अक्षय कुमारपिंत नं सुपरस्टार कथं कयातःगु दु । मखुधइगु खःसा अमिताभ बच्चनयात तकं नं सुपरस्टार मधाः, वयात ला मेगास्टार धायेगु यानातःगु खः ।

तर थन सुपरस्टार वा मेगास्टारयात कयाः चर्चा यायेत्यनागु मखसे बलिउडया सुपरस्टारतय्सं म्हितूगु क्वःह्यंगु फिल्मयात कयाः च्वसाः न्ह्याकेगु कुतः यायेत्यनागु खः । बलिउडया न्हापांम्ह सुपरस्टार धयातःम्ह राजेश खन्नां आपालं फिल्म म्हितल । हिट सुपरहिट नं जुल । तर वैंश वने धुंकाः वयागु फिल्मं बजाः काये मफयावन ।

थथे बजाः कायेमफया वने धुंकाः ९० या दशकया लिपांगु दँ पाखे “वफा” नांयागु छगू फिल्म म्हितल । उगु इलय् बलिउडय् “मर्डर” थेंज्याःगु “हट बेड सिन” दुगु फिल्म लोकंह्वानाच्वंगु ई खः । बलिउडय् कि सलमान व शाहरूख की सेक्सजक लोकंह्वानाच्वंगु इलय् अज्याःगु हे फिल्मया खुसीबा वःगु खः । थ्वहे खुसीबालय् राजेश खन्नाया “वफा” नं वल ।

थ्व फिल्मय् उमेर वनेधुंकूम्ह मिजं व वया ल्यासेम्ह कलाःया बाखं क्यनातःगु खःसा थुकी राजेश खन्नां लैला नांयाम्ह नच्चाम्ह पाकिस्तानी हिरोइनलिसे बेडसिनय् अभिनय यात । थ्व फिल्म नं उलि बांलाः मतायेकलसा राजेश खन्ना व लैलाया बेडसिनयात नं आपासिनं कुंखिन । थ्व फिल्म नं “मर्डर” थें हे हिट जुइ धकाः राजेश खन्नां ंबिचाः याःगु खः तर अथे मजुल ।

राजेश खन्नाया थ्व फिल्म पिहां वये यक्वः हे न्ह्यः मेगास्टार अमिताभ बच्चनं नं छगू अज्याःगु हे पलाः ल्ह्वने धुंकूगु खः । उगु इलय् अमिताभ बच्चनं म्हितूगु फिल्मया नां “बुम” खः । थौंकन्हय्या लोकंह्वाःम्ह हिरोइन केटरीना कैफया डेब्यु फिल्म “बुम” हट–सेक्सी सिनया निंतिं तसकं हे आलोचना जूगु फिल्म खः ।

थुकी नं उमेर वने धुंकूम्ह अमिताभ बच्चनया पद्मालक्ष्मी नांयाम्ह हिरोइनलिसे हट सिन दु । उमेर वने धुंकूसां हिरो जुइगु कुतः यानाच्वंम्ह अमिताभ बच्चनया थ्व पलाःयात नं सकसिनं कुंखिन । फिल्म ला बांमलाक हे फ्लप जुल । “बूम” धुंकाः नं अमिताभ बच्चनं “निःशब्द” नांयागु छगू फिल्मय् जिया खान नांयाम्ह नच्चाम्ह हिरोइनलिसे म्हितल ।

बलिउडय् सुपरस्टार धयातःपिं स्टारतसें थज्याःगु क्वःह्यंगु फिल्म म्हिताः थःगु नां बदनाम याःगु मेमेगु नं दसु दु । अज्याःगु हे छगू दसु मनिषा कोइरालाया “एक छोटी सि लभ स्टोरी” नं खः

बाज्यःवंम्ह हिरो व ल्यासेचाम्ह हिरोइन दथुया आकर्षणयात फिल्मय् न्ह्यब्वयेगु कुतः यात तर थ्व कुतः नं ताःमलात । थ्व फिल्मयात ला बलिउडया छगू क्वःह्यंगु फिल्म धकाः तकं धाल ।थुकथं बलिउडय् सुपरस्टार धयातःपिं स्टारतसें थज्याःगु क्वःह्यंगु फिल्म म्हिताः थःगु नां बदनाम याःगु मेमेगु नं दसु दु । अज्याःगु हे छगू दसु मनिषा कोइरालाया “एक छोटी सि लभ स्टोरी” नं खः ।

मनिषां थ्व फिल्म म्हितूगु इलय् व छम्ह स्टारया रुपय् बय्बय् जुयाच्वंम्ह हिरोइन खः । तर थ्व फिल्मय् धाःसा वं तसकं हे हट बेडसिनय् अभिनय यात । थ्व फिल्मया हट बेडसिनयात आपासिनं कुंखिउँबलय् मनिषा कोइरालां उगु सिन थःगु जानकारी बिना निर्देशक शशीलाल नायरं डुप्लिकेट छ्यला खिचे याःगु धकाः थः बचे जुइगु कुतः यात, तर मनूतय्सं थ्व खँ पत्या मयाः ।

छाय्धाःसां छम्ह कलाकारं छगू फिल्म म्हितीबलय् उकिया दक्वं बाखं व लुयाबारे जानकारी कयाः जक म्हिती । मनिषा कोइरालां मेमेगु दक्वं लु थःम्हेसिंनं म्हितागु, अले हट बेडसिन जक मेम्हेसिनं म्हितूगु धकाः धाःगु खँ नं उगु इलय् चर्चाया खँ जूगु खः । थ्व “एक छोटी सि लभस्टोरी” क्वह्यंगु फिल्म धकाः बांमलाक्क हे बय्बय् जूगु खःसां थुकिया बनेज्या धाःसा बांलाःगु खः ।

“एक छोटी सि लभ स्टोरी” धुंकाः नं मनिषा कोइरालां “तुम” नांयागु मेगु छगू फिल्मय् हट बेडसिन बिल । थ्व “तुम” नांयागु फिल्मया बाखं धइगु “मर्डर” फिल्मया बाखंलिसे ज्वलाःगु बाखं खः । थ्व निगुलिं फिल्मय् छेँय् थः जहान दयेकदयेकं पिने मेम्ह मिजंलिसे स्वापु तइम्ह मिसाया बाखं खः । अले निगुलिं हे फिल्मय् उम्ह मिजंया हत्या जुइ ।

थथे ज्वःलाःगु बाखं दुगु निगू फिल्म मध्ये मल्लिका शेरावतया हट सिन दुगु “मर्डर” धाःसा थुकिया प्रस्तुति बांलागुलिं ंहिट जुल तर “तुम” धाःसा प्रस्तुति क्वःह्यंगुलिं हिट मजुल । मनिषा कोइरालाया बांमलाक्क आलोचना नं जुल । थ्व छगू इलय् बलिउडय् थुकथंया बाखं दुगु आपालं फिल्म पिहां वःगु खः ।

उकिसनं अज्याःगु फिल्मय् बलिउडया नांजाःपिं हिरोइनतय्सं थुकथं हे छेँय् जहान दयेक–दयेकं पिने मेम्ह मिजंलिसे पल्के थुइगु रोल म्हितल । अज्याःगु हे छगू मेगु फिल्म “देहम” खः । थुकी जयाप्रदा थेंज्याःम्ह क्लिन इमेज दुम्ह हिरोइनंतकं अज्याःगु रोल म्हितल ।

 

थ्व “देहम” फिल्मय् जयाप्रदाया जहान जुयाः महेश मांजरेकरं म्हितातःगु दुसाः जयाप्रदाया आकर्षण डिनो मारिया नांयाम्ह ल्याय्म्ह हिरोलिसे जुइगु खः ।

अथेहे तुं थ्वहे फिल्मय् महेश मांजरेकर नं बाज्यः वने धुंकूम्ह जूसां अमृता अरोरालिसे आकर्षित जुइगु बाखं क्यनातःगु दु । थज्याःगु हे छगू रोल रविना टण्डनं नं म्हितेधुंकूगु दु । रबिना टण्डनं म्हितूगु फिल्मया नां “स्टम्प्ड” खः । थुकी छम्ह ल्याय्म्हचाम्ह मचा रबिना टण्डन प्रति आकर्षित जुइगु खः ।

व मचां मनमनं रबिनायात ययेका च्वनीगु खः अले रबिनालिसे मतिना यानागु धकाः कल्पनाय् दुबिना च्वनीगु खः । तर थ्व फिल्मय् अज्याःगु बेडसिन व हटसिन धाःसा मदु । आपाः यानाः सिनियर हिरो वा हिरोइनतय्सं थज्याःगु रोल म्हितूगु फिल्मयात मययेकूगु हे खनेदु । थज्याःगु हे घटना करिश्मा कपुरया जीवनय् वःगु दु ।

करिश्मा कपुरं नं “डेन्जरस ईश्क” नाांयागु छगू फिल्मय् अज्याःगु हे रोल म्हितूगु दु । छगू इलय् तसकं हे लोकंह्वाःम्ह हिरोइन करिश्मां इहिपा यानाः फिल्मख्यः त्वःतूगु खःसा लिपा वयाः डिभोर्स जुल । डिभोर्स धुंकाः फिल्मय् कमब्याक जुइगु मति तयाः म्हितूगु “डेन्जरस ईश्क” धाःसा हिट मजूबलय् वयागु कमब्याक नं ताःमलात ।

थथे हट बेडसिनय् म्हितूपिं सिनियर स्टारतय्गु नां च्वय्बलय् त्वफिके मजिउगु छगू नां धइगु पुंलाम्ह नांजाःम्ह हिरोइन रेखाया नां खः । खय्त ला रेखा धइम्ह थःगु जमानाय् छम्ह सेक्सी हट हिरोइनया हे दर्जाय् लानाच्वंम्ह हिरोइन खः । रेखा थः ल्यासेबलय् आपालं फिल्मय् थःगु ग्ल्यामर रुप न्ह्यब्वये धुंकूम्ह हिरोइन खःसा लिपा वना वं मेमेकथंया बांलाःगु रोल नं म्हिताः थः सुपरस्टारया रुपय् न्ह्यःने वःम्ह हिरोइन खः ।

थथे नांजाःम्ह हिरोइन रेखा लिपा वनाः उमेर वनेधुंकाः फिल्म थःयात ल्वइकथं थीथी रोल म्हिताः थःगु पलाः न्ह्याका क्यन । तर थ्वहे रेखां लिपा वनाः छगू–निगू फिल्मय् तसकं हे हट व सेक्सी रोल नं म्हितल । अज्याःगु फिल्म मध्ये छगू “खिलाडियोंका खिलाडी” धाःसा आपासिनं बांलाः तायेकल । हिट नं जुल ।

थुकी रेखां थःसिबें आपालं क्वकालिम्ह हिरो अक्षय कुमारलिसे हट बेडसिन बिल । थ्व बेडसिनया चर्चा नं जुल । आपाःसिनं ययेकल । फिल्म नं हिट हे जुल । तर रेखां छगू अज्याःगु फिल्म नं म्हितूगु दु गुगु फिल्मय् वं ओम पुरी, नवीन निश्चल थेंज्याःपिं बाज्यःवंपिं हिरोतलिसे तसकं हे हट सेक्सी सिनय् अभिनय यात ।

थ्व फिल्मया नां “आस्था” खः । थुकी रेखाया जहान जुयाः म्हितूम्ह ओम पुरी खः । अले “मर्डर” व “तुम” फिल्मय् थें थ्व फिल्मय् रेखा पिने मेम्ह मिजंलिसे पल्के थुइगु खः । पिनेयाम्ह मिजं जुयाः म्हितूम्ह नवीन निश्चल खः । थ्व फिल्मय् रेखाया निम्ह हे मिजंलिसे तसकं हट बेडसिन दु ।

“आस्था” मिसा मिजंया स्वापुयात कयाः दयेकातःगु गम्भीर विषयया फिल्म जूसां थुकी दुथ्याःगु तसकं हट बेडसिनया हुनिं थुकियात छगू क्वःह्यंगु फिल्मया दर्जाय् तयातःगु दु ।

सिनियर कलाकार ओमपुरीं लिपा वनाः “डर्टी पोलिटिक्स” नांयागु फिल्मय् उगु ईया सेक्सी स्टार मल्लिका शेरावतलिसे नं हट बेडसिनय् म्हितल । तर थ्व फिल्म नं फ्लप हे जुल । थुकथं स्वयेबलय् सिनियर स्टारतय्गु हट बेडसिन दुगु फिल्म आपाः यानाः फ्लप हे जूगु खनेदत ।

सम्बन्धित बुखँ

LEAVE YOUR COMMENTS