ख्यालि न्हिली

राजु ः ज्योतिष महाराज, धयादिसँ कि जिगु इहिपा गबले जुइ ?
ज्योतिष ः छंगु इहिपा थ्व जन्मय् जुइ हे मखु ?
राजु ः छाय् महाराज, अज्याःगु छुं खराब दुगु जकं खः ला कि ?
‘खराब योग छुं नं मदु’ – ज्योतिषं धाल– ‘छाय्धाःसां छंगु जीवनय् सुख हे सुख जक च्वयातःगु दु ।’
ह्ह्ह्
छम्ह तसकं कप्तिम्ह मनूया कायं वया प्रेमिकालिसे चाःहिउ वन । लिहां वयेवं उम्ह कप्तिं थः काययाके न्यन– ‘चाःहिला वयेधुन ला ? गुलि ध्यबा खर्च याना वया ?
कायम्ह ः निसः तका जक ।
कायया खँ न्यनाः कप्टिम्ह अबुं जिक्व ब्वः बिल ।
‘छु यायेगु ले बाः …. वयाके दुगु हे उलि जक सा’–कायं तीजक धाल ।