किपू मेयर कप ब्याडमिन्टनया सेमिफाइनल थौं

किपू – किपुली जुयाच्वंगु न्हापांगु कीर्तिपुर मेयर कप ब्याडमिन्टन धेंधेंबल्लाःया सेमिफाइनल कासा थौं जुइगु जूगु दु । इन्द्रायणी परिवार क्लबया ग्वसालय् जुयाच्वंगु थ्व कासाय् समूह ‘ए’ पाखें किसिपीडि ब्याडमिन्टन क्लबया चन्द्रागिरीया प्रमोद महर्जन व सुमन महर्जन व लनगोल ब्याडमिन्टन क्लब किपूया सुप्रिम महर्जन व श्याम महर्जन दथुइ अथेहे मण्डला ब्याडमिन्टन क्लब चन्द्रागिरीया सविन श्रेष्ठ व राजकुमार पोखरेल व देवढोका ब्याडमिन्टन क्लब किपूया शंकर महर्जन व सुदन महर्जन दथुइ फाइनल चरणया निंतिं भिडन्त जुइ ।

अथेहे ‘बी’ समूहपाखे मण्डलाया धर्मराज घिमिरे–राजकुमार पोखरेल व दक्षिणकाली ब्याडमिन्टन क्लबया विकास श्रेष्ठ–रोशन महर्जन दथुइ, अथेहे देवढोकाका वेनगोपाल महर्जन–सुदन महर्जन व मण्डलायाा दीपक तामाङ–विपिन शाह दथुइ धेंधेंबल्लाः जुइ ।

धेंधेंबल्लाखय् किपू ,चन्द्रागिरी व दक्षिणकाली नगरपालिकास्तरीयया ‘ए’ समूहय् ¥याकिंङ कासामितय् झिंन्याज्वः व ‘बी ’ समूहय् ४५ ज्वः सहभागी जूगु खः । वइगु असार २१ गते सुथय् ६ बजे फाइनल कासा जुइ ।