‘प्रधानन्यायाधीश चीकूसा जक न्यायालय सुधार’

येँ – नेपाल बार एसोसिएसनं न्यायपालिकाया गरिमा ल्यंकेत प्रधानन्यायाधीश चोलेन्द्र शम्शेर जबरायात महाभियोग तयेमाःगु माग याःगु दु ।

अन्तर्राष्ट्रिय मानव अधिकार दिवसया लसताय् बारया मानव अधिकार तथा जनसरोकार समितिं मानव अधिकार सम्बन्धी राष्ट्रिय सम्मेलन यासें झिंखुगू बुँदाया घोषणा पौ नं जारी याःगु दु ।

घोषणा पौया बुँदा नम्बर ८ य् धयातःगु दु, ‘न्यायपालिकाया गरिमा ल्यंकेत प्रधानन्यायाधीश चोलेन्द्र शम्शेर जबराया बहिर्गमनया नितिं संवैधानिक दायित्व बहन यायेत थ्व सम्मेलनपाखें नेपाः सरकार, सार्वभौम संसद लिसें राजनीतिक दलतय्गु गम्भीर ध्यानाकर्षण यानाच्वना ।’

उकथं हे घोषणा पतिइ प्रधान– न्यायाधीशया बहिर्गमन समग्र न्यायपालिकाया सुधारया न्हापांगु प्रस्थान विन्दु जूगु खँ न्ह्यथँसें वयां लिपा न्यायपालिका सुधारया अभियान जारी याना तयेगु खँ धयातःगु दु ।

घोषणा पतिइ न्यायिक नेतृत्वया कारणं हे न्यायपालिकाय् भ्रष्टाचार अप्वःगु खः धासें बारं मानव अधिकार समितिं न्यायपाखे फुकसिया समान पहुँच सुनिश्चित यायेत भ्रष्टाचार व विसंगतियात पनेमाःगु सुझाव बियातःगु दु ।

उकथं हे घोषणा पतिइ तराई मधेशय् जूगु मानव अधिकार उल्लंघनया घटनाया छानबिन यायेगु नितिं सर्वोच्च अदालतया पुलांम्ह न्यायाधीश गिरीशचन्द लाल या

संयोजकत्वय् गठन यानातःगु आयोगया प्रतिवेदन तत्काल कार्यान्वयन यायेत नं माग यानातःगु दु । उकी न्यायालय सुधारया खँ न्ह्यथनातःगु दु ।

सम्बन्धित बुखँ

LEAVE YOUR COMMENTS