अर्जेन्टिना क्वाटर्रफाइनलय्

लाउटारो मार्टिनेज व सर्जिओ अग्वेरां याःगु निगू गोलया ग्वाहालिं अर्जेन्टिना कोपा अमेरिकाया क्वार्टरफाइनलय् दुहां वनेत ताःलाःगु दु । म्हिगः सुथय् जूगु कासाय् मार्टिनेज व अग्वेराया गोलं अर्जेन्टिनां कतारयात २–० गोलं बुकूगु खः । थ्वयां न्ह्यवया निगू कासा मध्ये छगूलिइ पराजित व छगू बराबरी जूगुलिं क्वार्टरफाइनलय् वनेत अर्जेन्टिनायात थ्व कासा त्याके हे माःगु जुयाच्वंगु खः ।

थ्व विजय लिपा अर्जेन्टिनां समूह बी या उपविजेता जुयाः नकआउट चरणय् दुहां वंगु खः । समूह बीया हे मेगु कासाय् कोलम्बियां पाराग्वेयात १–० गोलं बुकूगुलिं नं अर्जेन्टिना याउँक क्वार्टरफाइनलय् दुहां वंगु खः ।

पराजय लिपा समूह ‘ख’य् स्वंगूगु थासय् लाःगु पाराग्वें धाःसा क्वार्टरफाइनलय् वनेगु निंतिं जापान व इक्वेडर दथुया कासाया लिच्वः पीमालीगु जूगु दु । अर्जेन्टिनां आः रियो दे जेनेरोया माराकाना रंगशालाय् भेनेजुएला लिसे क्वार्टरफाइनल कासा मिहती ।