ने. सं. ११४६ दिल्लाथ्व पारू -

मोतिलानि सिरपाः बीगु

येँ – नेपाल– भाषा विषय कयाः एसईईनिसें एमए तकया थीथी तगिमय् उत्कृष्ट ल्याः हयाः पास जूपिं विद्यार्थीतय्त मोतिलानि सिरपाः लःल्हाइगु जूगु दु । थ्वहे वइगु असार ४ गते शनिवाः कुन्हु येँया चेम्बर भवनय् जुइगु छगू ज्याझ्वलय् उगु सिरपाः लःल्हाइगु ग्वसाः दु ।थुकी एसईई तगिंयात ६ द्वः, प्लस टू तगिंयात ७ द्वः, बीए तगिंयात ८ द्वः व एमए तगिंयात १० द्वः तका बीगु व्यवस्था यानातःगु दु ।

एसईई तगिमय् नेसं ११३५ या लागिं सरिना महर्जन व नेसं ११३६ या लागिं अनिता प्रजापति, प्लस टू तगिमय् ११३६ या लगिं निशा प्रधान, बीए तगिमय् नेसं ११३६ या लागिं बसन्तराज शाक्य, एमए तगिमय् ११३५ या लागिं दीपा महर्जन व ११३६ या लागिं भरत महर्जनयात
सिरपाः बीगु जूगु दु । नेपालभाषाह्यमि व शिक्षाप्रेमि मदुम्ह मय्जु मोतिलानि ताम्राकारं थ्व सिरपाः नीस्वनादीगु खः ।