ने. सं. ११४६ अनलाथ्व नवमी -

कंगया यातायाता ताँ त्वःधुलाः सास्ती

येँ – येँ मनपा वडा नं. १५ व १९ यात स्वाइगु कंग अजिमाया न्ह्यःने च्वंगु पुलांगु यातायाता ताँ म्हीग तसकं वा वयाः त्वःधूगु दु । ताँ त्वःधुलाः उगु लँ जुयाः वये–वने याइपिं सर्वसाधारण मनूतय्त समस्या जूगु दु । ताँ त्वःधुलेवं म्हिगः हे उगु क्षेत्रया सांसद जीवनराम श्रेष्ठ, १५ वडाया अध्यक्ष ईश्वरमान डंगोल, १९ वडाया जनप्रतिनिधि व स्थानीय चागल युवा क्लबया दुजःपिंसं त्वःधूगु ताँया निरीक्षण याःगु खः ।

अतिकं चल्तीगु उगु ताँ आः याकनं हे दयेकेगु निर्णय वय्कःपिंसं यानादीगु दु ।ताँ त्वःधुलाः उगु हे लँ जुयाः स्वयम्भू वनेमाःपिं व द्यः दर्शन याः
वइपिं स्थानीय मनूतय्त सास्ती जूगु खँ धाःगु दु ।